Віцебскаму арт-менеджару Уладзіміру Булаўскаму прызначылі два гады калоніі
Яго абвінавацілі паводле арт. 342-2 Крымінальнага кодэкса — неаднаразовае парушэнне парадку арганізацыі або правядзення масавых мерапрыемстваў.
У судзе Першамайскага раёна Віцебска 26 мая вынеслі прысуд палітзняволенаму арт-менеджару і музыку Уладзіміру Булаўскаму — два гады калоніі ва ўмовах агульнага рэжыму. Яго абвінавацілі паводле арт. 342-2 Крымінальнага кодэкса. Справу разглядаў суддзя Міхаіл Юрчанка, піша «Вясна».
За кратамі Уладзіміра ўтрымліваюць пяць месяцаў.
Паводле заканадаўства, завесці крымінальную справу супраць чалавека па арт. 342-2 КК могуць, калі яго двойчы за год асудзілі паводле арт. 24.23 КаАП «несанкцыянаванае пікетаванне». У 2022 годзе Уладзіміра судзілі па адміністрацыйных справах некалькі разоў: у лютым і ў ліпені. Чарговае затрыманне адбылося ў снежні за фота ў сацыяльных сетках, якое палічылі незаконным пікетаваннем.
З 2020-га сілавікі затрымлівалі Уладзіміра як мінімум пяць разоў.
Таксама Булаўскі, паводле следства, з 5 верасня 2014 года па 22 сакавіка 2021 года ў сацыяльных сетках змяшчаў выявы нацыянальнай сімволікі.
На судзе Уладзімір не прызнаў віну і даваў паказанні на беларускай мове.
Палітвязню блакуюць ліставанне, і ён амаль не атрымлівае вестачкі з волі.
Падтрымайце Уладзіміра пасылкай, лістом, грашовым пераводам ці тэлеграмай: СІЗА-2, Гагарына 2, 210026, Віцебск, Уладзімір Ігаравіч Булаўскі
Цяпер чытаюць
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта11
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2323
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі23
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары