«Контрнаступленне на ўсходзе ўжо ідзе» — намесніца міністра абароны Украіны
Намесніца міністра абароны Украіна Ганна Маляр заявіла, што контрнаступленне не варта зводзіць да нейкіх актыўных наступальных дзеянняў і канкрэтных дат. Паводле яе слоў, гэта комплекс мер, і на ўсходзе ўжо цяпер ідуць контрнаступальныя дзеянні УСУ.
У эфіры агульнанацыянальнага тэлемарафону Ганна Маляр заявіла:
«Не трэба зводзіць публічна контрнаступленне толькі да нейкіх актыўных наступальных дзеянняў, таму што гаворка ідзе пра стратэгічную мэту УСУ — вызваліць усе нашы тэрыторыі. Мы нацэленыя на вызваленне тэрыторыі і мы нацэленыя на спыненне ворага ў яго наступальных дзеяннях.
Таму казаць вузка пра контрнаступленне — некарэктна. Гэта велізарны комплекс дзеянняў і мерапрыемстваў, якія ажыццяўляюць УСУ. Гэта перш за ўсё падрыхтоўка людзей да комплексу дзеянняў — і да абарончых, і да наступальных.
Але ўсё разам, калі мы гаворым пра нашу стратэгічную мэту, гэта можна назваць мерамі контрнаступальных дзеянняў. Яны ўключаюць падрыхтоўку тэхнікі, людзей, падрыхтоўку рэзерву, фарміраванне тактыкі (планаў «А», «Б», «В», таму што не можа быць толькі аднаго варыянта дзеянняў, бо вораг таксама рэагуе на гэта).
І трэба разумець, што такія рашэнні прымаюцца за вельмі кароткі тэрмін, а не за месяц-два. План канчаткова абіраецца такім чынам, каб вораг не змог адрэагаваць.
Вы павінны разумець, што УСУ на сёння не рыхтуюць нешта адно ў нейкім канкрэтным кірунку, а трэба разумець, што УСУ штодня рыхтуюцца да поўнага вызвалення нашых тэрыторый, а не толькі контрнаступлення…».
Намесніца міністра абароны адзначыла таксама, што актыўныя штурмавыя дзеянні ў Бахмуце, Мар'інцы на Аўдзееўскім, Ліманскім напрамках фронту таксама можна лічыць элементам контрнаступлення. Па словах Маляр, вайскоўцы не абмяркоўваюць публічна ці нават паміж сабой планы Узброеных сіл па контрнаступленні. Яна ўдакладніла, што планы УСУ залежаць ад магчымасцяў украінскай арміі і ад інфармацыі пра стан ворага.
Цяпер чытаюць
«Я зарабляла на OnlyFans $2000‑3000 на месяц». Беларуска расказала, як стала здымаць кантэнт для дарослых і чаму па-ранейшаму жыве без сэксу15
«Я зарабляла на OnlyFans $2000‑3000 на месяц». Беларуска расказала, як стала здымаць кантэнт для дарослых і чаму па-ранейшаму жыве без сэксу
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку5454
Каментары