Крэветкі — тое, з чаго варта пачаць знаёмства з морапрадуктамі. Гэта нізкакаларыйны і дыетычны прадукт, у якім мала тлушчаў, але шмат бялкоў, а таксама вітамінаў, тлустых кіслот і мікраэлементаў — цынку, ёду і кальцыю.
Класічныя крэветкі з часночным соусам. Фота: Diana Chistruga / The Spruce
Па гэтым класічным рэцэпце гатуецца просты соус з часнаку, белага віна і масла, які добра спалучаецца з макаронай ці лустай хрумсткага хлеба.
На 4 порцыі вам спатрэбіцца:
- 2 чайныя лыжкі масла
- 2 чайныя лыжкі аліўкавага або іншага алею
- 4 зубчыкі часнаку, здробненыя
- паўшклянкі белага віна (сухога, не салодкага) ці булёну — на ваш густ
- 1 чайная лыжка солі
- 1 чайная лыжка молатых шматкоў чырвонага перцу
- свежамалоты чорны перац
- 700 г буйных крэветак, ачышчаных
- ⅓ шклянкі нарэзанай пятрушкі
- свежавыціснуты сок палоўкі цытрыны
- дадаткам можа быць макарона ці хрумсткі хлеб
Як гатаваць:
- У вялікай патэльні растапіце масла з алеем. Дадайце часнок і абсмажвайце да з'яўлення водару, каля 1 хвіліны. Дадайце віно ці булён, соль, шматкі чырвонага перцу і чорны перац і давядзіце да кіпення. Дайце віну ці булёну выпарыцца напалову, гэта зойме ў вас каля дзвюх хвілін.
- Дадайце крэветкі і смажце, пакуль яны не паружавеюць — ад 2 да 4 хвілін у залежнасці ад іх памеру. Дадайце пятрушку і лімонны сок і падавайце з макаронай ці з белым хлебам.
Вам таксама могуць спадабацца:
Тры рэцэпты макароны, якія варта дадаць у меню
Салата з бурака і сыру фета — ідэальны баланс салодкага і салёнага
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў32
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1414
Каментары
ем..