Зяленскі ўвёў санкцыі супраць Недасекава, Кавальчука і Раманава
Прэзідэнт Украіны Уладзімір Зяленскі падпісаў указ аб увядзенні санкцый супраць шэрагу беларускіх, расійскіх і ўкраінскіх грамадзян. Дакумент апублікаваны на сайце прэзідэнта Украіны.
З беларусаў пад санкцыі патрапілі лёгкаатлет Максім Недасекаў, міністр спорту і турызму Сяргей Кавальчук, старшыня Рэспубліканскага грамадскага аб’яднання «Белая Русь» Алег Раманаў. Усе яны заяўлялі пра сваю падтрымку Аляксандра Лукашэнкі, у тым ліку і яго пазіцыі па вайне Расіі супраць Украіны.
Абмежаванні прадугледжваюць блакаванне актываў, спыненне гандлёвых аперацый і іншыя меры — тэрмінам на 50 гадоў.
Яшчэ адным указам Зяленскі ўхваліў санкцыі супраць кампаній, якія аказваюць паслугі ў галіне інфармацыйных і лічбавых тэхналогій. У спіс патрапілі расійскія «Яндэкс» і «Укантакце», а таксама беларуская кампанія «Інтэрмех», якая займаецца распрацоўкай і ўкараненнем сістэм аўтаматызацыі працэсаў на машынабудаўнічых і прыборабудаўнічых прадпрыемствах.
Усяго ад пачатку вайны Зяленскі ўвёў санкцыі супраць больш як 2500 грамадзян Беларусі — у тым ліку высокапастаўленых чыноўнікаў і сілавікоў, і больш як 1300 беларускіх кампаній, у тым ліку Беларускай чыгункі, «Беларуськалія», «Белнафтамаша», Гомельскага хімічнага завода.
Цяпер чытаюць
Стала вядома, колькі грошай атрымлівалі ад крамлёўскага фонду Лушч, Мірсалімава і Герашчанка8
Стала вядома, колькі грошай атрымлівалі ад крамлёўскага фонду Лушч, Мірсалімава і Герашчанка
Навуковец распавёў пра геалагічныя загадкі Беларусі: іртуць з зямлі і кратар ад падзення метэарыта, які знішчыў усё жывое ў радыусе тысяч кіламетраў88
Каментары