Тытунёвы мільярдэр Павел Тапузідзіс набыў гасцініцу «Славянская», якая не працавала з канца 2022 года. Цяпер актыў перайшоў да ТАА «Тытунь-інвест», якое заплаціла за гэта больш чым 4 млн даляраў у эквіваленце, паведамляе Office Life са спасылкай на ўласныя крыніцы.
30 сакавіка стала вядома пра змену ўласніка гасцініцы «Славянская», якая перастала працаваць пры канцы 2022 года. Набыўшы гасцініцу за больш чым 4 млн даляраў, «Тытунь-інвест» Паўла Тапузідзіса рыхтуецца аднавіць працу комплексу ўжо з 17 красавіка. Паводле Office Life, з гэтай даты ўжо можна замовіць нумар па тэлефоне сэрвісу браніравання.
«Славянская» — адна з гасцініц, пабудаваных да мінскага чэмпіянату свету па хакеі 2014 года. У ёй 126 месцаў, размешчаных на 15 паверхах. Яна месціцца побач з «Мінск-Арэнай».
Раней «Славянскай» валодала замежная кампанія «Белінтэррасінвест», створаная групай расійскіх інвестараў. Але 19 лістапада 2022 года гасцініца спыніла працу, а ў дачыненні да яе забудоўшчыка і ўладальніка была распачатая ліквідацыйная вытворчасць.
Цяпер чытаюць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку3
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3232
Каментары