Беларусам пры куплянні сталі часцей навязваць дадатковыя паслугі
У Міністэрстве антыманапольнага рэгулявання і гандлю звярнулі ўвагу, што ў Беларусі прадаўцы сталі часцей навязваць пакупнікам дадатковыя паслугі. Пра гэта начальнік упраўлення абароны правоў спажыўцоў і кантролю за рэкламай МАРГ Іна Гаўрыльчык расказала падчас прэс-канферэнцыі ў Нацыянальным прэс-цэнтры.
Па словах чыноўніцы, некаторыя прадаўцы літаральна патрабуюць ад кліентаў, каб тыя набылі пашыраную гарантыю на тэхніку. А ў некаторых выпадках прадаўцы наогул заяўляюць, што акцыйная цана магчымая толькі пры аплаце дадатковай гарантыі.
«Гэта прамое парушэнне заканадаўства аб абароне правоў спажыўцоў», — падкрэсліла Гаўрыльчык.
Прадстаўніца МАРГ нагадала беларусам, што на любы тавар у любым выпадку даецца гарантыя ад вытворцы. Плаціць жа за пашыраную гарантыю варта толькі ў асобных выпадках, прачытаўшы ўсе ўмовы. Бо часам нават дадатковая гарантыя можа ахопліваць не ўсе віды паломак.
У якасці яшчэ аднаго прыкладу навязвання платных паслуг Гаўрыльчык прывяла сітуацыю з расійскім маркетплэйсам Wildberries. Гэтая крама, насуперак беларускаму заканадаўству, рабіла платным вяртанне тавараў, якія не падышлі пакупніку па памеры.
Цяпер чытаюць
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне6060
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне60
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1717
Каментары