Biełarusam pry kuplańni stali čaściej naviazvać dadatkovyja pasłuhi
U Ministerstvie antymanapolnaha rehulavańnia i handlu źviarnuli ŭvahu, što ŭ Biełarusi pradaŭcy stali čaściej naviazvać pakupnikam dadatkovyja pasłuhi. Pra heta načalnik upraŭleńnia abarony pravoŭ spažyŭcoŭ i kantrolu za rekłamaj MARH Ina Haŭrylčyk raskazała padčas pres-kanfierencyi ŭ Nacyjanalnym pres-centry.
Pa słovach čynoŭnicy, niekatoryja pradaŭcy litaralna patrabujuć ad klijentaŭ, kab tyja nabyli pašyranuju harantyju na techniku. A ŭ niekatorych vypadkach pradaŭcy naohuł zajaŭlajuć, što akcyjnaja cana mahčymaja tolki pry apłacie dadatkovaj harantyi.
«Heta pramoje parušeńnie zakanadaŭstva ab abaronie pravoŭ spažyŭcoŭ», — padkreśliła Haŭrylčyk.
Pradstaŭnica MARH nahadała biełarusam, što na luby tavar u lubym vypadku dajecca harantyja ad vytvorcy. Płacić ža za pašyranuju harantyju varta tolki ŭ asobnych vypadkach, pračytaŭšy ŭsie ŭmovy. Bo časam navat dadatkovaja harantyja moža achoplivać nie ŭsie vidy pałomak.
U jakaści jašče adnaho prykładu naviazvańnia płatnych pasłuh Haŭrylčyk pryviała situacyju z rasijskim markietpłejsam Wildberries. Hetaja krama, nasupierak biełaruskamu zakanadaŭstvu, rabiła płatnym viartańnie tavaraŭ, jakija nie padyšli pakupniku pa pamiery.
-
U Biełarusi płanujuć istotna źmienšyć sumu padarunkaŭ, jakaja nie abkładajecca padatkami
-
Minčuk vyrašyŭ palepšyć kredytnuju historyju i ŭziaŭ dzieviać rasterminovak. Ciapier uvieś u daŭhach
-
«Usie prymiežnyja parkoŭki zabityja furami ź litoŭskimi numarami». Łukašenka ŭvioŭ dadatkovyja abmiežavańni dla litoŭskich pieravozčykaŭ
Pavieł Vinahradaŭ upieršyniu raskazvaje, jak jaho zakinuli na samaje dno biełaruskaj turmy. Jak heta — kali susiedzi za cyharetu jaduć čužoje haŭno2626
Kamientary