Лукашысты прызналі Беларускую асацыяцыю журналістаў «экстрэмісцкім фармаваннем»
Адпаведнае рашэнне прынятае КДБ 28 лютага.
Беларуская асацыяцыя журналістаў — гэта найбуйнейшае дэмакратычнае аб'яднанне прадстаўнікоў СМІ Беларусі, член міжнароднай і Еўрапейскай федэрацый журналістаў. Арганізацыя навучае журналістаў, абараняе іх правы, праводзіць маніторынг падзей і тэндэнцый у сферы медыя, арганізуе акцыі і кампаніі.
БАЖ дзейнічае з восені 1995 года.
У няволі цяпер знаходзяцца 32 супрацоўнікі медыя.
Восенню 2020 года Беларуская асацыяцыя журналістаў атрымала прэстыжную ўзнагароду ўрадаў Канады і Вялікабрытаніі — першую прэмію свабоды СМІ. Пра гэта было абвешчана падчас глабальнай канферэнцыі па свабодзе СМІ 2020 года.
У 2021 годзе асацыяцыя атрымала Нацыянальную прэмію Украіны за абарону свабоды.
Беларуская асацыяцыя журналістаў удастоеная Сусветнай прэміі UNESCO / Guillermo Cano World Press Freedom Prize 2022.
Асацыяцыя атрымала і ўзнагароду шведскай прэміі «Рэпарцёры без межаў» «Свабода прэсы 2022».
У загінулай у Сляпянцы дзяўчыне апазналі Яну Кастранкову2
Каментары