У Гомелі і Магілёве аднамомантна з’явіліся паблікі небяспечнай моладзевай субкультуры «ПВК Родан»
«Родан Гомель» у тэлеграме створаны пад чырвона-зялёным сцягам. А ў Магілёве яны абвясцілі збор на 1 сакавіка.
«ПВК Родан» не мае нічога агульнага з ваеннымі кампаніямі. Гэта падлеткавая субкультура, для якой характэрны культ грубай сілы і аматары якой ужо заўважныя ў некалькіх масавых бойках. Спачатку сутычкі падлеткаў з удзелам «ПВК Родан» адбыліся ў Расіі, потым перакінуліся на Украіну. На гэты момант украінскія праваахоўнікі высвятляюць, ці ёсць расійскі след у гэтай субкультуры.
Масавыя сутычкі непаўналетніх адбыліся 26 лютага ў Харкаве, Кіеве і іншых украінскіх гарадах. У Гомелі да боек справа пакуль не дайшла. Аднак раптоўна таксама 26 і 27 лютага ў ціктоку і тэлеграме з’явіліся паблікі «Родан Гомель», зазначае выданне «Штодзень».
Прычым канал «ПВК Родан Гомель» ў тэлеграме створаны 26 лютага пад афіцыйным сцягам. Аднамомантна там набралася больш за 500 падпісчыкаў. І ўжо 27 лютага з’явіліся пагрозы офнікам (офнікі — каляфутбольныя фанаты), пад якімі рэзка з’явілася больш за 11 тысяч каментарыяў.
Усяго ў тэлеграме тры каналы «ПВК Родан Гомель». І адна суполка пад назвай «Гомель супраць «ПВК Родан», дзе ўжо ідуць пагрозы прыхільнікам новай моладзевай групіроўкі. Першае паведамленне «ПВК Родан Гомель» у ціктоку таксама датуецца 26 лютым.
Таксама з'явілася абвестка пра збор прыхільнікаў анімэ-субкультуры «Р'ёдан» у Магілёве. Чакаецца, што збор анімэшнікаў пройдзе 1 сакавіка ў 16.00 каля гандлёвага цэнтра «Атрыум» у Магілёве, паведамляе mogilev.news.
«ПВК Родан» — моладзевая субкультура, аматары анімэ, а менавіта серыяла «Hunter x Hunter», дзе і сустракаецца злачынная групоўка пад назвай «Родан». Яе сімвалы — чорны колер, павукі на вопратцы і лічба 4. Прыхільнікі гэтага руху выступаюць супраць ультрасаў і мігрантаў.
-
У Беларусі прадаецца рэдкая манета, якую можна выкарыстоўваць як аб'ектыў у фотаапараце. Што за яна?
-
У беларускай краме ізраільскія авакада каштуюць танней, чым айчынныя агуркі
-
Беларусы расказалі, як 20 дзён хадзілі па арктычнай глухмені. Цяпер там ёсць перавалы Васіля Быкава і Уладзіміра Караткевіча
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3232
Каментары