Грамадзянін Беларусі быў затрыманы ў аэрапорце Ерэвана, паведаміла ў панядзелак прэс-служба армянскай паліцыі. Адзначаецца, што мужчына прыляцеў рэйсам з Масквы ў аэрапорт Звартноц, дзе і быў затрыманы супрацоўнікамі мясцовай паліцыі.
Фота ілюстрацыйнае
«Супрацоўнікі лінейнага аддзела паліцыі аэрапорта Звартноц выявілі, затрымалі і даставілі ў паліцэйскае аддзяленне грамадзяніна Рэспублікі Беларусь Аляксея Г., які з 22 снежня 2022 года быў абвешчаны Люксембургам у вышук па лініі Інтэрпала», — гаворыцца ў паведамленні прэс-службы паліцыі.
Беларуса абвінавачваюць у крадзяжы і ўдзеле ў злачыннай групоўцы. У паліцыі ўдакладнілі, што пра затрыманне ўжо праінфармаваныя прадстаўнікі Інтэрпала ў Арменіі і Генпракуратура.
Чытайце таксама:
Суд у Балгарыі адмовіўся выдаць беларускаму рэжыму ўкраінца, да якога хацелі дацягнуцца праз Інтэрпал
Цяпер чытаюць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку6262
Каментары