Расія паведамляла аб «знішчэнні» і «падаўленні» 35 украінскіх HIMARS. Але Кіеў атрымаў толькі 20 такіх установак
З лета мінулага года, калі Украіна ўпершыню атрымала HIMARS, Масква пастаянна заяўляе аб іх знішчэнні — аднак калі верыць справаздачам мінабароны РФ, Расіі ўдалося паразіць нават больш гэтых РСЗА, чым было перададзена Кіеву, піша BBC.
У сваёй чарговай справаздачы аб падзеях на фронце 3 студзеня міністэрства абароны Расіі паведаміла, што каля Краматорска ў Данецкай вобласці былі «знішчаныя дзве пускавыя ўстаноўкі рэактыўнай сістэмы залпавага агню HIMARS вытворчасці ЗША».
Усего ведамства заявіла аб «знішчэнні» 24 установак HIMARS, а яшчэ 11 такіх сістэм, паводле яго сцвярджэнняў, былі «паражоныя» ці «падаўленыя» (пры гэтым у некаторых выпадках міністэрства сцвярджала, што гаворка ідзе аб «батарэі» ці «ўзводзе» РСЗА). Такім чынам, са сцвярджэнняў міністэрства абароны Расіі вынікае, што ўдары былі нанесеныя па 35 украінскіх сістэмах HIMARS.
Аднак, паводле звестак на пачатак 2023 года, Украіна атрымала ад ЗША толькі 20 HIMARS. Яшчэ некалькі гэтых установак Кіеў павінен атрымаць сёлета.
Дагэтуль няма ніводнага дакументальнага пацвярджэння, што Расія знішчыла хаця б адну HIMARS.
Цяпер чытаюць
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім12
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім
Бабарыка і Калеснікава пагаварылі з Інгай Ругінене і заклікалі Літву «далучыцца да дыпламатычных намаганняў ЗША» і «не прапусціць акно магчымасцей»3333
Каментары
Прошьют, пронумеруют, поставят сургучную печать и подпись Байдена!)