Вынікі беларускага ЦТ і расійскага ЕГЭ сумесцяць, каб беларусам было прасцей ехаць вучыцца ў Расію
Прынятае рашэнне аб сумяшчэнні сістэмы ацэнкі ведаў беларускіх і расійскіх выпускнікоў школ, паведаміў пасол Расіі ў Беларусі Барыс Грызлоў, наведваючы 1 верасня мінскую гімназію №50, піша «Sputnik-Беларусь».
Паводле Грызлова, у Беларусі і Расіі агульнае адукацыйнае поле, якое дае магчымасць грамадзянам абедзвюх краін атрымліваць адукацыю на тэрыторыі кожнай з іх.
«У гэтым годзе беларусам было таксама прадастаўлена 1100 квот на бюджэтныя месцы (у расійскія ВНУ). Думаю, што гэтая колькасць будзе ўзрастаць, таму што мы павялічваем колькасць бюджэтных месцаў, і ў нас сумяшчаюцца сістэмы ацэнкі адукацыі выпускнікоў. Тут гэта цэнтралізаванае тэставанне, у нас — адзіны дзяржаўны экзамен. Прынялі ўжо рашэнне, як сумясціць вынікі гэтых дзвюх атэстацый. Так што можна свабодней будзе паступаць у Расію», — заявіў расійскі пасол.
Грызлоў дадаў, што ў наступным навучальным годзе паводле квоты ўрада Расіі, беларускім абітурыентам будзе выдзелена 1300 бюджэтных месцаў. Наборам, як і цяпер, будзе займацца прадстаўніцтва «Рассупрацоўніцтва» ў Беларусі. У новым навучальным годзе, па словах Грызлова, у Расіі будуць вучыцца больш за 10 тысяч студэнтаў з Беларусі.
Летась Міністэрства навукі і вышэйшай адукацыі РФ дазволіла паступаць у свае ВНУ беларускім абітурыентам па выніках цэнтралізаванага тэставання. У той жа час магчымасць паступаць па выніках адзінага дзяржаўнага экзамену і ўнутранага экзамену таксама засталася.
Па выніках ЦТ у расійскія ВНУ ў 2021 годзе паступілі 563 грамадзяніна Беларусі, статыстыка па 2022 годзе будзе вядомая пазней.
-
У Беларусі прадаецца рэдкая манета, якую можна выкарыстоўваць як аб'ектыў у фотаапараце. Што за яна?
-
У беларускай краме ізраільскія авакада каштуюць танней, чым айчынныя агуркі
-
Беларусы расказалі, як 20 дзён хадзілі па арктычнай глухмені. Цяпер там ёсць перавалы Васіля Быкава і Уладзіміра Караткевіча
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3232
Каментары