Свет

Беларусаў у Латвіі пры легалізацыі будуць трактаваць інакш, чым расіян

Папраўкі да міграцыйнага заканадаўства Латвіі прадугледжваюць, што ўмовы легалізацыі для беларусаў будуць прасцейшымі, чым для расіян, вынікае з заявы латвійскага міністра замежных спраў Эдгарса Рынкевічса, якую ён зрабіў 23 жніўня на выязным пасяджэнні ўрада. Паводле слоў чыноўніка, у першую чаргу спрошчаныя ўмовы легалізацыі закрануць высокакваліфікаваных работнікаў з Беларусі, паведамляе партал Delfi.

Мэр размешчанага непадалёк ад мяжы з Беларуссю горада Даўгаўпілс Андрэй Элксніньш на пасяджэнні Кабінета міністраў спаслаўся на «апытанне латгальскіх прадпрымальнікаў», паводле якога «бізнэсоўцаў турбуе ўплыў паправак да Закона аб іміграцыі на працоўную сілу». У прыватнасці, ён заявіў пра неабходнасць «прыцягнення кампаніямі працоўнай сілы з Беларусі».

У адказ на гэта Рынкевічс заявіў, што «правілы знаходжання ў Латвіі для грамадзян Расіі будуць больш строгія, чым для грамадзян Беларусі», паколькі «існуюць больш высокія рызыкі бяспекі, звязаныя з грамадзянамі РФ».

Міністр унутраных спраў Крыстапс Экланс таксама заявіў, што высокакваліфікаваныя работнікі «будуць ацэньвацца асобна». Калі яны будуць «адпавядаць патрабаванням», то «працоўныя візы гэтых людзей у Латвіі будуць працягнутыя».

Як паведамлялася, МУС Латвіі падрыхтавала папраўкі да міграцыйнага заканадаўства, якія прадугледжваюць, што грамадзянам Расіі і Беларусі да 30 чэрвеня 2023 года не будуць працягваць часовы від на жыхарства. Законапраект плануецца разгледзець на наступным тыдні.

Разам з тым, паводле інфармацыі міністэрства, змены «не абмяжуюць магчымасць для прадстаўнікоў апазіцыі Беларусі атрымліваць візы або часовыя дазволы на жыхарства з гуманітарных прычын».

Каментары

Цяпер чытаюць

«Беларуская Барбі» Кацярына Коба выйшла замуж у Швейцарыі. Імаверна, за таямнічага расійскага мультымільянера

«Беларуская Барбі» Кацярына Коба выйшла замуж у Швейцарыі. Імаверна, за таямнічага расійскага мультымільянера

Усе навіны →
Усе навіны

Адстаўны міністр-карупцыянер прадае рэспектабельны катэдж каля Драздоў. Просіць $2 мільёны6

Карты якіх беларускіх банкаў працуюць у Еўрасаюзе?5

Польшча і Літва заявілі, што гатовыя прыняць амерыканскія войскі, выведзеныя з Германіі2

Апублікаваная запіска, якую, меркавана, Эпштэйн напісаў перад спробай самагубства6

У Мінску прадаюць надзвычай рэдкі і вельмі дарагі Mercedes-Benz SLR McLaren. Каштуе як некалькі кватэр у сталіцы10

ЕГУ не будзе адмаўляцца ад набору7

Як будзе працаваць грамадскі транспарт у Мінску 9 мая. Будуць маштабныя змены

У Аргенціне затрымалі кіраўніка сеткі дэзінфармацыі СЗР у Лацінскай Амерыцы1

Трамп заявіў, што Іран і ЗША правялі «добрыя перамовы» і ў хуткім часе могуць дасягнуць пагаднення

больш чытаных навін
больш лайканых навін

«Беларуская Барбі» Кацярына Коба выйшла замуж у Швейцарыі. Імаверна, за таямнічага расійскага мультымільянера

«Беларуская Барбі» Кацярына Коба выйшла замуж у Швейцарыі. Імаверна, за таямнічага расійскага мультымільянера

Галоўнае
Усе навіны →

Заўвага:

 

 

 

 

Закрыць Паведаміць