Biełarusaŭ u Łatvii pry lehalizacyi buduć traktavać inakš, čym rasijan
Papraŭki da mihracyjnaha zakanadaŭstva Łatvii praduhledžvajuć, što ŭmovy lehalizacyi dla biełarusaŭ buduć praściejšymi, čym dla rasijan, vynikaje z zajavy łatvijskaha ministra zamiežnych spraŭ Edharsa Rynkievičsa, jakuju jon zrabiŭ 23 žniŭnia na vyjaznym pasiadžeńni ŭrada. Pavodle słoŭ čynoŭnika, u pieršuju čarhu sproščanyja ŭmovy lehalizacyi zakranuć vysokakvalifikavanych rabotnikaŭ ź Biełarusi, paviedamlaje partał Delfi.
Mer raźmieščanaha niepadalok ad miažy ź Biełaruśsiu horada Daŭhaŭpiłs Andrej Ełkśnińš na pasiadžeńni Kabinieta ministraŭ spasłaŭsia na «apytańnie łathalskich pradprymalnikaŭ», pavodle jakoha «biznesoŭcaŭ turbuje ŭpłyŭ papravak da Zakona ab imihracyi na pracoŭnuju siłu». U pryvatnaści, jon zajaviŭ pra nieabchodnaść «pryciahnieńnia kampanijami pracoŭnaj siły ź Biełarusi».
U adkaz na heta Rynkievičs zajaviŭ, što «praviły znachodžańnia ŭ Łatvii dla hramadzian Rasii buduć bolš strohija, čym dla hramadzian Biełarusi», pakolki «isnujuć bolš vysokija ryzyki biaśpieki, źviazanyja z hramadzianami RF».
Ministr unutranych spraŭ Krystaps Ekłans taksama zajaviŭ, što vysokakvalifikavanyja rabotniki «buduć aceńvacca asobna». Kali jany buduć «adpaviadać patrabavańniam», to «pracoŭnyja vizy hetych ludziej u Łatvii buduć praciahnutyja».
Jak paviedamlałasia, MUS Łatvii padrychtavała papraŭki da mihracyjnaha zakanadaŭstva, jakija praduhledžvajuć, što hramadzianam Rasii i Biełarusi da 30 červienia 2023 hoda nie buduć praciahvać časovy vid na žycharstva. Zakonaprajekt płanujecca razhledzieć na nastupnym tydni.
Razam z tym, pavodle infarmacyi ministerstva, źmieny «nie abmiažujuć mahčymaść dla pradstaŭnikoŭ apazicyi Biełarusi atrymlivać vizy abo časovyja dazvoły na žycharstva z humanitarnych pryčyn».
Ciapier čytajuć
Na «Hrodna Azocie» skončyŭ žyćcio samahubstvam namieśnik načalnika cecha1
Na «Hrodna Azocie» skončyŭ žyćcio samahubstvam namieśnik načalnika cecha
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary