Machlary abdurvajuć piensijanieraŭ, abiacajučy vypłaty da Dnia pieramohi
Napiaredadni Dnia pieramohi ŭ Biełarusi aktyvizavalisia machlary, jakija nacelvajucca na pažyłych ludziej.
Zdymak ilustracyjny. Fota: «Naša Niva»
Machlary telefanujuć i pradstaŭlajucca supracoŭnikami sacyjalnych słužbaŭ abo inšych dziaržaŭnych orhanaŭ, paviedamlajučy pra toje, što nibyta pažyłym ludziam naležać vypłaty da śviata. Paśla hetaha prosiać nazvać bankaŭskija danyja, kab «zaličyć hrošy». Na samaj spravie heta padman — nijakija vypłaty pa telefonie nie afarmlajucca.
Kab nie stać achviaraj machlarstva, varta prytrymlivacca prostych praviłaŭ:
- nie paviedamlać praz telefon nijakich danych bankaŭskaj karty, kodaŭ abo rekvizitaŭ;
- nie pieravodzić hrošy nibyta dla «aktyvacyi» vypłaty;
- pry padazronym zvanku adrazu spyniać razmovu i pry nieabchodnaści pieratelefanavać u aficyjnyja ŭstanovy.
Asablivuju ŭvahu varta nadać pažyłym svajakam i papiaredzić ich pra takija schiemy padmanu.
Ciapier čytajuć
Dzie pracujuć i jak vyhladajuć žonki top-čynoŭnikaŭ?16
Dzie pracujuć i jak vyhladajuć žonki top-čynoŭnikaŭ?
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1111
Kamientary