Пасол Расіі адзначыў, што сувязі Масквы і Вашынгтона аднаўляюцца, хоць і не так хутка.
Лідары Расіі і ЗША Уладзімір Пуцін і Дональд Трамп падчас ранейшай тэлефоннай размовы адзначылі значэнне расійска-амерыканскага баявога братэрства, паведаміў пасол Расіі ў ЗША Аляксандр Дарчыеў, піша РБК.
«У тэлефоннай размове прэзідэнты адзначылі значэнне расійска-амерыканскага баявога братэрства як пазітыўнай падзеі, што спрыяе ўмацаванню нашых адносін», — сказаў ён, назваўшы такое прызнанне «вельмі важным».
Дарчыеў таксама сцвярджальна адказаў на пытанне, ці прывядзе апошняя тэлефонная размова Трампа і Пуціна да вынікаў: «Я думаю, што так. Я ўпэўнены, што так», — сказаў дыпламат.
Ён дадаў, што сувязі Масквы і Вашынгтона аднаўляюцца, хоць і не так хутка. Важнымі для гэтага працэсу Дарчыеў назваў добрыя асабістыя адносіны Пуціна і Трампа. А цяперашнія амерыканскія ўлады, паводле слоў пасла, дэманструюць пазітыўны настрой на аднаўленне кантактаў.
Папярэдні раз прэзідэнты размаўлялі па тэлефоне ў канцы красавіка.
Трамп тады назваў размову з Пуціным «вельмі добрай» і заявіў, што асноўную ўвагу надалі Украіне. Ён адзначыў, што Пуцін «быў гатовы заключыць здзелку ўжо даўно», але такі крок для прэзідэнта Расіі ўскладняюць «некаторыя людзі».
Цяпер чытаюць
28‑гадовую ўкраінку з Марыупаля асудзілі ў Мінску за палітыку. Чаму яна прыехала з Польшчы ў Беларусь, няясна3
Каментары
P.S. Вот свезло так свезло с мировым полисменом...