У ліпені беларусы і ўкраінцы заплацілі падаткаў у Літве амаль на 10 млн еўра
У Літве працуюць 7500 беларусаў, якія прыехалі пасля пачатку вайны ва Украіне, паведамляе delfi.lt са спасылкай на мясцовую Службу занятасці.
88% мігрантаў — мужчыны, іх сярэдні ўзрост 37 гадоў, сярэдні заробак — 1786 еўра без выліку падаткаў. Большасць працуе ў Вільні (4200) і Коўне (600), таксама беларусы пераехалі ў Шаўляй, Клайпеду і іншыя гарады Літвы.
Высокакваліфікаваную працу выконваюць амаль 2000 чалавек (26,6%), зь іх 1700, або 87,1%, — у галіне ІТ або сувязі.
На работах, якая патрабуе сярэдняй кваліфікацыі, занята 5500 беларусаў (73%), нізкакваліфікаваную або некваліфікаваную працу (прыбіральшчыкі, памочнікі на кухні, фасоўшчыкі) выконваюць усяго 86 чалавек (1%).
Адзначаецца, што работнікі зь Беларусі і Украіны (15 800) сплацілі ў ліпені амаль 10 млн еўра падаткаў.
Каментары