На Запарожскай атамнай электрастанцыі ў Энергадары, з сакавіка акупаванай Расіяй, назіраецца падазроная актыўнасць расійскіх салдат. The Insider публікуе відэа, на якім расійскія вайсковыя грузавікі заязджаюць на тэрыторыю АЭС і разгружаюць нейкі груз.
Па даных крыніцы выдання, калона ваенных грузавікоў прыбыла на тэрыторыю АЭС 2 жніўня. Грузавікі спыніліся паміж першым і другім энергаблокамі і праз некаторы час частка калоны па адной машыне пачала заязджаць на тэрыторыю машыннай залы першага энергаблока праз грузавыя вароты. Па даных гэтай крыніцы, машынная зала была замініраваная.
Паводле паказанняў іншай крыніцы, на тэрыторыі станцыі знаходзяцца каля 500 расійскіх салдат і ваенная тэхніка, у тым ліку БТРы, зенітныя ўстаноўкі і тэхніка для радыехімічнай выведкі, а тэрыторыя вакол станцыі замініраваная расійскімі войскамі. Па даных крыніцы, паблізу вёскі Вадзяное, найбліжэйшай да АЭС, знаходзяцца батарэі «Градаў», а міны і боекамплект расійскія салдаты захоўваюць у непасрэднай блізкасці да энергаблока, пад эстакадамі, прычым частка боекамплекта нават усярэдзіне энергаблока. Ці быў энергаблок замініраваны або яго проста выкарыстоўваюць для захоўвання выбухоўкі, невядома.
Па даных крыніцы, захопам станцыі кіраваў генерал-маёр Аляксей Дамброўскі, пасля чаго камандаванне перадалі генерал-маёру войскаў радыяцыйнай, хімічнай і біялагічнай абароны УС РФ Валерыю Васільеву.
-
Юнак з Бураціі тры гады марыў ваяваць ва Украіне. Падпісаў кантракт на наступны дзень пасля 18‑годдзя — і праз два месяцы загінуў
-
Дональд Туск дапускае прамыя расійскія ўдары па тэрыторыі Польшчы ў найбліжэйшы час
-
У час удару па ўкраінскім памежным пераходзе там былі еўрапейскія дарадцы па бяспецы і Борыс Джонсан
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2525
Каментары