У Змітра і Насты Дашкевічаў сёння нарадзіўся сын, чацвёртае дзіця
Пра нараджэнне сына паведаміла Наста Дашкевіч у сваім Фэйсбуку.
«Сёння ў 6.50 раніцы ў нас нарадзіўся сын. Поўнае імя яго будзе — Данііл. Як хацеў тата. А скарочанае — Ніл. Як хацела мама. Малыш крыху паспяшаўся з’явіцца на свет і зараз ім нейкі час будуць апекавацца дактары. А я прыходжу ў сябе пасля аперацыі», — напісала Наста.
Гэтае дзіця для сям'і Дашкевічаў — чацвёртае.
Зміцер Дашкевіч цяпер — палітвязень. У сярэдзіне сакавіка 2022-га яго разам з Настай выклікалі на допыт, а напярэдадні Дня Волі асудзілі на 15 сутак. З таго часу ён за кратамі: Дашкевіча зрабілі падазраваным па «народным» 342 артыкуле КК («Арганізацыя і падрыхтоўка дзеянняў, што груба парушаюць грамадскі парадак»). Яму пагражае да 4 гадоў калоніі.
Заведзеная крыміналка па тым жа артыкуле і на Насту.
Чытайце пра гэту сям'ю падрабязней:
Неймаверная гісторыя кахання Змітра і Насты Дашкевіч
Цяпер чытаюць
«Месячны плацеж пацягне на 340 рублёў». Што будзе ў Беларусі з мабільным інтэрнэтам?15
Каментары