Былога канцлера ФРГ Герхарда Шродэра пазбавілі часткі прывілеяў з-за сувязяў з Расіяй
Бундэстаг пазбавіў былога канцлера Нямеччыны Герхарда Шродэра часткі прывілеяў, якімі пасля адстаўкі карыстаюцца кіраўнікі ўрада.
У прыватнасці, у Шродэра больш не будзе офіса ў парламенце і супрацоўнікаў, якія аплачваюцца за кошт бюджэту.
Як адзначае Bild, фармальнай прычынай такога рашэння было названа тое, што былы канцлер не выкарыстоўвае даступныя яму памяшканні і стаўкі супрацоўнікаў. Пры гэтым, піша выданне, дэпутаты бундэстага незадаволеныя цеснымі сувязямі Шродэра з Расіяй, яго нават абвінавачваюць у нанясенні шкоды рэпутацыі Нямеччыны на міжнароднай арэне.
Права на пенсію Шродэра пакуль не пазбавілі, хоць яго паплечнікі па сацыял-дэмакратычнай партыі і схіляюцца да такога варыянту. Таксама былому канцлеру па-ранейшаму будуць забяспечваць ахову.
Еўрапарламент амаль адначасова з пастановай аб пазбаўленні Шродэра часткі прывілеяў прагаласаваў за ўнясенне былога канцлера ФРГ у санкцыйны спіс. Санкцыі накладвае не Еўрапарламент, але, як піша Bild, адпаведная рэзалюцыя можа паўплываць на фармаванне санкцыйнага спісу.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»23
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары