Расійскага гімнаста, які выйшаў з літарай Z на майцы, дыскваліфікавалі на год
Міжнародная федэрацыя гімнастыкі (FIG) на год дыскваліфікавала расійскага гімнаста Івана Куляка, які падчас этапу Кубка свету ў горадзе Доха ў сакавіку гэтага года з'явіўся на цырымоніі ўзнагароджання ў спартыўнай форме з літарай Z, якая стала сімвалам вайны Расіі супраць Украіны, паведамляе «Бі-бі-сі».
Куляк заваяваў бронзу ў фінале турніру па паралельных брусах, пры гэтым золата ў гэтай катэгорыі атрымаў спартсмен з Украіны Ілля Коўтун. Падчас уручэння медалёў Куляк стаяў побач з ім.
Пасля гэтага FIG пачала расследаванне, у выніку якога прыняла пастанову забараніць Куляку выступу на год. Праз вайну расійскія гімнасты і так пазбаўленыя права выступаць на міжнародных турнірах, якія праводзяцца пад эгідай FIG.
Таму ў заяве Федэрацыі сказана: «Калі ахоўныя меры, якія забараняюць расійскім атлетам выступаць, усё яшчэ будуць дзейнічаць 17 мая 2023 года, дыскваліфікацыя будзе працягвацца і скончыцца праз шэсць месяцаў пасля скасавання вышэйзгаданых захадаў».
20-гадовы Куляк таксама павінен вярнуць прызавыя грошы ў памеры 500 швейцарскіх франкаў (каля 500 даляраў ЗША) і пакрыць частку судовых выдаткаў на суму 2 тыс. швейцарскіх франкаў.
Пры гэтым FIG палічыла, што кіраўнік расійскай дэлегацыі на турніры Валянціна Радзівоненка і трэнер Ігар Калабушкін правілы Федэрацыі не парушылі.
Ці варта купляць закінутую хату за адну базавую і колькі гэта каштуе насамрэч? Вось што расказваюць людзі4
Каментары