Грамадства

У Літве ўтрая ўзнялі цэны на страхоўкі для аўтамабіляў на беларускіх і расійскіх нумарах

Раней страхоўка на месяц каштавала каля 20 еўра, цяпер — 60 еўра і больш. Змены тычацца толькі аўто на беларускіх і расійскіх нумарах. Што кажуць у страхавых кампаніях?

Чытачка «Нашай Нівы» расказала, як змяніліся расцэнкі: 

«У нас машына на расійскіх нумарах — сябар дазволіў ёй карыстацца, пакуль сам жыве ў Расіі. Два гады мы ўжо на ёй ездзім. Раней страхоўка каштавала 24 еўра на месяц. Калі мы чарговы раз хацелі яе працягнуць, наш агент сказала, што кошт узняўся. Цяпер трэба заплаціць 60 еўра. Для нас гэта аказалася дорага. За год атрымліваецца 720 еўра. Калі браць страхоўку на машыну на літоўскіх нумарах, то плаціць трэба 185 еўра за год.

Як мне патлумачыла страхавы агент, падаражанне тычыцца толькі машын, зарэгістраваных у Беларусі і Расіі. Гэта звязана з вайной, але ў сакавіку і красавіку былі яшчэ старыя цэны. Мы спыталі цэны ў розных кампаніях, але некаторыя нават адмаўляюцца страхаваць аўто на расійскіх і беларускіх нумарах. У выніку мы вырашылі перасесці на грамадскі транспарт».

У адной з літоўскіх страхавых кампаній пацвердзілі, што цэны выраслі ў тры разы. 

«Паднялі прыкладна месяц таму. Не магу сказаць, з чым гэта звязана. Так вырашыла кампанія. У нас цяпер 15 дзён страхавання на беларускіх ці расійскіх нумарах каштуе 42 еўра, а было 14. На месяц будзе 70-75 еўра», — адказаў страхавы агент. 

У іншай кампаніі таксама распавялі пра павышэнне цэн. Страхоўка аўтамабіля на расійскіх і беларускіх нумарах цяпер у іх каштуе 60 еўра за месяц. Раней заплаціць трэба было 24.

Адзін са страхавых агентаў расказаў чытачцы «Нашай Нівы», што грамадзянам Украіны паўтара месяца таму страхоўкі на аўтамабілі зрабілі бясплатнымі. 

«Агент сказала, што фактычна цяпер мы мы, беларусы і расіяне, аплачваем іх украінцам».

Чытайце таксама: 

11 мая зноў даражэе паліва

«Курс беларускага рубля будзе паўтараць дынаміку курса расійскага»

Каментары

Цяпер чытаюць

«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню41

«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню

Усе навіны →
Усе навіны

Берасцеец ператварыў сямітонны валун у каменную ванну5

Мінчукі скардзяцца на атручванне пасля наведвання вядомага рэстарана. Працу ўстановы прыпынілі6

«Саўт-парк» жорстка высмяяў Трампа. Белы дом рэзка асудзіў12

РПЦ запатрабавала ад Беларускай праваслаўнай царквы вярнуць у назвах згадванне Маскоўскага патрыярхата50

Мінск зноў затапіла1

70-гадовую жанчыну з Гомеля пасадзілі за каментары. Гэта самая пажылая палітзняволеная45

У расійскім Саратаве выбух. Абваліўся цэлы пад’езд дзесяціпавярховай панэлькі9

Сярэдні заробак дактароў дасягнуў 4100 рублёў «бруднымі»3

Амерыканскую зорку Джэйсана Дэрула прывезлі да Віктара Лукашэнкі17

больш чытаных навін
больш лайканых навін

«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню41

«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню

Галоўнае
Усе навіны →

Заўвага:

 

 

 

 

Закрыць Паведаміць