Жонку Змітра Дашкевіча Насту выклікалі ў СК і зрабілі падазраванай. Яна чакае чацвёртае дзіця
Жонку Змітра Дашкевіча Насту зрабілі падазраванай паводле артыкула 342 ч. 1 Крымінальнага кодэкса Беларусі (арганізацыя і падрыхтоўка дзеянняў, якія груба парушаюць грамадскі парадак, або актыўны ўдзел у іх).
Наста Дашкевіч чакае чацвёртае дзіця, Зміцер знаходзіцца за кратамі.
«Калісьці я давала Змітру клятву, што буду з ім і ў горы, і ў радасці. Канечне, я не думала ў гэты момант, што пад гэтымі словамі будзе ў тым ліку адно судовае пасяджэнне, дзе нас будуць разам судзіць. Але так сталася.
Сёння мяне выклікалі ў СК, дзе зрабілі падазраванай у «народным» 342 ч. 1.
Сітуацыя, канечне, дзікая…
Няхай Госпад трымае і абараняе ўсю нашу сям'ю і шматпакутную Беларусь», — напісала Наста ў Фейсбуку.
Актывіста Змітра Дашкевіча 24 сакавіка затрымалі на 15 сутак, але не выпусцілі — амаль адразу з'явілася інфармацыя ад сілавікоў, што супраць яго распачатая крымінальная справа.
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4444
Каментары