Яго — у калонію, яе — на «хатнюю хімію». У Мінску за ўдзел у пратэстах асудзілі мужа і жонку
У судзе Ленінскага раёна Мінска за ўдзел у акцыях пратэсту ў жніўні 2020 года асудзілі Дар’ю і Аляксея Арбузавых, паведамляе «Вясна».
Суддзя Анастасія Ачалава асудзіла па ч. 1 арт. 342 КК (удзел у дзеяннях, якія груба парушаюць грамадскі парадак) палітзняволенага Аляксея да 1,5 года калоніі агульнага рэжыму за ўдзел у двух маршах, а Дар’ю — да двух гадоў «хатняй хіміі» за ўдзел у адным маршы.
Паводле абвінавачвання, 23 жніўня Аляксей «з мэтай публічнага выказвання незаконнымі спосабамі сваіх грамадска-палітычных поглядаў і пратэсту, вядзення дэструктыўнай дзейнасці, накіраванай, у тым ліку, на абвастрэнне напружанасці ў грамадстве», ажыццявіў блакіроўку руху транспарту — разам з іншымі людзьмі сваімі дзеяннямі парушыў рух 19 аўтобусаў і 5 тралейбусаў.
Акрамя гэтага, яму інкрымінавалі ўдзел у акцыі пратэсту 30 жніўня. За гэты эпізод асудзілі і яго жонку.
.
Цяпер чытаюць
Гісторыя 12‑гадовай Веры ў мінскай інфекцыйнай бальніцы настолькі ўразіла беларусаў, што цяпер чарга з ахвотных дапамагчы4
Каментары