Пасла Беларусі выклікалі ў МЗС Малдовы. Прычына ў карце, якую Лукашэнка паказаў на пасяджэнні Рады бяспекі
Міністэрства замежных спраў Малдовы тэрмінова выклікала да сябе пасла Беларусі з-за ваеннай карты, як мяркуецца, расійскага ўварвання ва Украіну, якую прадэманстраваў 1 сакавіка Аляксандр Лукашэнка на нарадзе Рады бяспекі.
Карта, паказаная Лукашэнкам, выклікала шмат пытанняў у дыпламатаў і палітыкаў Малдовы. У першую чаргу таму, што адна са стрэлак на ёй, якімі могуць быць абазначаныя кірункі нападзення, паказвала на непрызнаную Прыднястроўскую Малдаўскую Рэспубліку.
«Падчас размовы з дзяржсакратаром МЗС Русланам Балбачанам пасол Анатоль Калінін адзначыў, што гаворка ідзе аб няправільнай інтэрпрэтацыі інфармацыі службовымі асобамі Мінабароны Рэспублікі Беларусь. Пры гэтым дзяржсакратар падкрэсліў неабходнасць публічнага ўмяшання з боку пасольства, якое дазволіла б змагацца з памылкамі, распаўсюджанымі ў грамадстве», — адзначыла МЗС Малдовы.
***
1 сакавіка Лукашэнка паказаў Радзе бяспекі карту Беларусі, Украіны і Расіі. Як бачна, на ёй былі паказаныя напрамкі нападу расійскай арміі на Украіну. На карце ёсць стрэлкі, накіраваныя на тэрыторыю Украіны. Адна са стрэлак пачынаецца ў Чорным моры і заканчваецца на тэрыторыі Малдовы.
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»47
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2626
Каментары