Апошнія навіны пра Уладзіміра Мацкевіча: Выглядае і адчувае сябе лепш, чаму скончыў галадоўку, невядома
Як расказалі на сённяшняй прэс-канферэнцыі родныя і блізкія філосафа, ён ведае, якая інфармацыйная кампанія была разгорнутая з нагоды галадоўкі. Уладзімір Мацкевіч быў уражаны і не чакаў такой падтрымкі.
Яго стан палепшыўся, паведаміла апошнія навіны калега Уладзіміра Мацкевіча, сацыёлаг Таццяна Вадалажская.
«Адвакат і ён сам — не медыкі, і не могуць аб'ектыўна ацэньваць стан філосафа», — родныя і блізкія Уладзіміра Мацкевіча па-ранейшаму настойваюць на тым, каб да яго дапусцілі незалежнага урача.
Аднак, чаму палітвязень вырашыў перапыніць галадоўку, дакладна не вядома.
«Адвакат знаходзіцца пад падпіскай аб неразгалошванні, — паведамілі блізкія філосафа сёння на прэс-канферэнцыі. — Ведаем, што ўвечары 16 лютага былі праведзеныя следчыя дзеянні.
Ні характар, ні змест не вядомыя. Але падчас іх ён даў такую ацэнку, што стала падставай для спынення галадоўкі».
Сям'я, сябры і калегі Уладзіміра Мацкевіча падкрэслілі, што прытрымліваюцца ранейшай стратэгіі: яны патрабуюць, каб праводзіліся следчыя дзеянні, абвінавачванне не было заканспіраваным, а працэс у цэлым быў адкрытым.
«Ён не здымае патрабаванняў, бо не лічыць іх да канца выкананымі», — было заяўлена на прэс-канферэнцыі.
Уладзімір Мацкевіч спыніў галадоўку: Справа зрушылася з мёртвага пункту
Паслы ЕС заклікалі вызваліць Уладзіміра Мацкевіча
Пагоршыўся стан Уладзіміра Мацкевіча, які галадае 12-ты дзень. Яго блізкія: Усе яго патрабаванні законныя і выканальныя
Цяпер чытаюць
«Беларусь цябе любіць». Рэпартаж з развітання з Мікітам Мелказёравым6
Каментары