Стала вядома, каму і на якія тавары дадуць зніжку гандлёвыя цэнтры
На сайце Міністэрства антыманапольнага рэгулявання і гандлю з'явіўся тэкст пагаднення аб зніжках на сацыяльна значныя тавары для ўразлівых катэгорый насельніцтва, падпісанага 12 студзеня паміж Міністэрствам і 16-цю гандлёвымі сеткамі.
Пагадненне прадугледжвае прадастаўленне з 17 студзеня зніжак у памеры 10 % на пэўныя групы сацыяльна значных тавараў пенсіянерам, шматдзетным сем'ям, малазабяспечаным слаям насельніцтва, якія атрымліваюць дзяржаўную адрасную сацыяльную дапамогу ў выглядзе штомесячнай сацыяльнай дапамогі.
10 % зніжкі будуць давацца ў тым выпадку, калі працягнуць дзейнічаць абмежаванні, вызначаныя пастановай Савета Міністраў ад 23 лютага 2021 года № 100 «Аб часовых мерах па стабілізацыі цэнаў на сацыяльна значныя тавары першай неабходнасці». Калі ж гэтую пастанову раптам адменяць, то памер зніжкі ўзрасце да 15%.
У той жа час зніжка можа быць і меншай, калі пасля яе адлічэння акажацца, што прадажны кошт тавару меншы за той, па якім прадавец сам набываў яго ў пастаўшчыка.
Сацыяльна значныя тавары, на якія будзе давацца зніжка, супадаюць з тымі, цэны на якія цяпер рэгулююцца дзяржавай.
Пакупніку неабходна будзе пацвердзіць у краме сваю прыналежнасць да сацыяльна ўразлівых катэгорый насельніцтва, прад'явіўшы пенсійнае пасведчанне, пасведчанне шматдзетнай сям'і або даведку аб прадастаўленні дзяржаўнай адраснай сацыяльнай дапамогі.
Пры гэтым штомесячная сума пакупак у канкрэтнага суб'екта гандлю з атрыманнем зніжак не будзе перавышаць памер бюджэту пражытачнага мінімуму ў сярэднім на душу насельніцтва (цяпер гэта 288,01 рублёў). Як гэта будзе кантралявацца — пакуль невядома.
Пагадненне дзейнічае толькі паўгода, да 17 ліпеня 2022 года.
Сярод гандлёвых сетак, якія падпісалі пагадненне, — «Санта Рытэйл», «Еўрагандаль», «Дабраном» («Капеечка», «Маяк»), «Віталюр», «Белмаркеткомпані»,«Белвілесдэн» («Гіпа»). Поўны спіс — тут.
Гандлёвыя сеткі зробяць зніжку на сацыяльна значныя тавары для «ўразлівых катэгорый насельніцтва»
МАРГ працягнуў рэгуляванне цэн на сацыяльна значныя тавары яшчэ на тры месяцы
Цяпер чытаюць
Дрон прыляцеў у пасажырскі аўтобус на мяжы Расіі і Беларусі1
Дрон прыляцеў у пасажырскі аўтобус на мяжы Расіі і Беларусі
«У мяне толькі адна мара — вярнуць свайго Дзімку». Маці былога палітвязня Дзмітрыя Гопты расказвае пра новую бяду сына. І просіць замаўляць у яе больш тортаў, каб справіцца44
Каментары