Stała viadoma, kamu i na jakija tavary daduć źnižku handlovyja centry
Na sajcie Ministerstva antymanapolnaha rehulavańnia i handlu źjaviŭsia tekst pahadnieńnia ab źnižkach na sacyjalna značnyja tavary dla ŭraźlivych katehoryj nasielnictva, padpisanaha 12 studzienia pamiž Ministerstvam i 16-ciu handlovymi sietkami.
Pahadnieńnie praduhledžvaje pradastaŭleńnie z 17 studzienia źnižak u pamiery 10 % na peŭnyja hrupy sacyjalna značnych tavaraŭ piensijanieram, šmatdzietnym siemjam, małazabiaśpiečanym słajam nasielnictva, jakija atrymlivajuć dziaržaŭnuju adrasnuju sacyjalnuju dapamohu ŭ vyhladzie štomiesiačnaj sacyjalnaj dapamohi.
10 % źnižki buduć davacca ŭ tym vypadku, kali praciahnuć dziejničać abmiežavańni, vyznačanyja pastanovaj Savieta Ministraŭ ad 23 lutaha 2021 hoda № 100 «Ab časovych mierach pa stabilizacyi cenaŭ na sacyjalna značnyja tavary pieršaj nieabchodnaści». Kali ž hetuju pastanovu raptam admieniać, to pamier źnižki ŭzraście da 15%.
U toj ža čas źnižka moža być i mienšaj, kali paśla jaje adličeńnia akažacca, što pradažny košt tavaru mienšy za toj, pa jakim pradaviec sam nabyvaŭ jaho ŭ pastaŭščyka.
Sacyjalna značnyja tavary, na jakija budzie davacca źnižka, supadajuć z tymi, ceny na jakija ciapier rehulujucca dziaržavaj.
Pakupniku nieabchodna budzie paćvierdzić u kramie svaju prynaležnaść da sacyjalna ŭraźlivych katehoryj nasielnictva, pradjaviŭšy piensijnaje paśviedčańnie, paśviedčańnie šmatdzietnaj siamji abo daviedku ab pradastaŭleńni dziaržaŭnaj adrasnaj sacyjalnaj dapamohi.
Pry hetym štomiesiačnaja suma pakupak u kankretnaha subjekta handlu z atrymańniem źnižak nie budzie pieravyšać pamier biudžetu pražytačnaha minimumu ŭ siarednim na dušu nasielnictva (ciapier heta 288,01 rubloŭ). Jak heta budzie kantralavacca — pakul nieviadoma.
Pahadnieńnie dziejničaje tolki paŭhoda, da 17 lipienia 2022 hoda.
Siarod handlovych sietak, jakija padpisali pahadnieńnie, — «Santa Rytejł», «Jeŭrahandal», «Dabranom» («Kapieječka», «Majak»), «Vitalur», «Biełmarkietkompani»,«Biełvilesden» («Hipa»). Poŭny śpis — tut.
Handlovyja sietki zrobiać źnižku na sacyjalna značnyja tavary dla «ŭraźlivych katehoryj nasielnictva»
MARH praciahnuŭ rehulavańnie cen na sacyjalna značnyja tavary jašče na try miesiacy
Ciapier čytajuć
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały77
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały7
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1616
Kamientary