Дэпутат расказала, як і на што ўлады будуць у 2022 годзе траціць грошы з бюджэту
Больш падрабязна аб новым бюджэце ў інтэрв'ю АНТ расказала старшыня камісіі па эканоміцы, бюджэце і фінансах Савета Рэспублікі Таццяна Рунец.
45% бюджэту Беларусь накіруе на сацыяльную сферу. Улады выдзелілі 11 млн рублёў на правядзенне першай спробы ЭКА, якую беларускім парам будуць рабіць бясплатна.
Паводле слоў дэпутата, у сярэдняй школе на аднаго навучэнца накіроўваецца 2,5-3,5 тысячы рублёў штогод, а ў ліцэях — да 10 тысяч.
З бюджэту субсідуюцца выдаткі на транспарт, напрыклад, у Мінску грамадзяне плацяць за праезд каля 50% ад яго кошту.
На медыкаменты бюджэт траціць каля 200 рублёў на год на аднаго чалавека, на лячэнне пацыента ад COVID-19 у палаце стацыянара — 185 рублёў на суткі, у рэанімацыі — ад 1,5 да 2 тысяч рублёў.
Улады плануюць 240 млн рублёў накіраваць на закупку 4 млн доз вакцыны ад каранавіруснай інфекцыі.
На зарплату бюджэтнікам ідзе каля 35% бюджэту. У наступным годзе плануюць павялічыць базавую стаўку, дапамогу на аздараўленне з 0,5 да 1 акладу. На зарплаты работнікаў бюджэтнай сферы накіруюць каля 18 млрд рублёў.
Цяпер чытаюць
Пашпарты беларусаў, якія галасуюць на выбарах у КР, апрацуе кампанія, у якой апошнюю ўцечку выявілі ў 2026-м, а заснавальнікі — расіяне68
Каментары