Беларускі баксёр Дзмітрый Асанаў вырашыў не працягваць кантракт са зборнай, а паспрабаваць сілы ў прафесійным боксе. Пра гэта ён напісаў у сваім інстаграме.
«Са студзеня 2022 года пачнецца новы этап у маім жыцці! І гэта наўпрост звязана з маёй кар'ерай. У гэтым годзе я прыняў цвёрдае рашэнне не працягваць кантракт у зборнай!
І гэта ў першую чаргу звязана з тым, што я хачу развівацца далей. Мяне ніколі не матывавала думка, што я магу быць у зборнай да «пенсіі».
Дык што ж далей? Хачу паспрабаваць свае сілы ў прафесійным боксе і трохі ў трэнерскай дзейнасці! Пагатоў, за кошт сваёй аматарскай кар'еры ў мяне ёсць прапановы па прафесіяналах.
Так, будзе не лёгка, прыйдзецца прыкласці вельмі шмат намаганняў, назапасіцца цярпеннем і выйсці за межы «зоны камфорту». Але ў гэтым ёсць свой кайф, свая рамантыка», — напісаў Асанаў.
У 2020 года Асанаў падпісаў ліст за сумленныя выбары.
Каментары