Метэаролагі ААН: Адзін з найбліжэйшых гадоў будзе рэкордна цёплым
У найбліжэйшыя пяць гадоў з верагоднасцю 90% надыдзе рэкордна цёплы год у гісторыі назіранняў. Пра гэта паведамляе Сусветная метэаралагічная арганізацыя (СМА), якая з'яўляецца спецыялізаванай установай ААН, піша РБК.
«Верагоднасць таго, што ў бліжэйшыя пяць гадоў па меншай меры адзін год перасягне паказчыкі 2016-га, які лічыцца самым цёплым годам на дадзены момант, складае 90%», — гаворыцца ў паведамленні.
Паводле прагнозаў СМА, сярэдняя тэмпература на паверхні сушы і мора ў кожны з гадоў гэтага пяцігадовага перыяду будзе па меншай меры на адзін градус Цэльсія вышэйшая за тэмпературныя значэнні даіндустрыяльнай эпохі. У самы гарачы год тэмпература з верагоднасцю 40% можа перавысіць даіндустрыяльны ўзровень на 1,5 градуса.
У 2020 годзе сярэдняя тэмпература перавышала базавыя значэнні даіндустрыяльнай эпохі на 1,2 градуса. Мінулы год увайшоў у першую тройку самых цёплых гадоў у гісторыі назіранняў.
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары