Таццяна Севярынец мяркуе, што суд над Паўлам і актывістамі «Еўрапейскай Беларусі» будзе ісці два тыдні
Суд пачаўся ў Магілёве 12 мая і праходзіць у закрытым рэжыме. На лаве падсудных — сямёра палітвязняў, якіх вінавацяць за ўдзел або арганізацыю масавых беспарадкаў: Павел Севярынец, Яўген Афнагель, Павел Юхневіч, Максім Вінярскі, Андрэй Войніч, Зміцер Казлоў і Ірына Шчасная.
Сваякоў на суд не пускаюць. Маме Паўла Таццяне Севярынец удалося сустрэцца хіба са старшынёй абласнога суда Ігарам Прашко, які заявіў, што рашэнне аб разглядзе крымінальных справаў у закрытым рэжыме прымала суддзя Ірына Ланчава. Ён параіў сваякам палітвязняў «набрацца цярпення», піша «Радыё Рацыя».
«Я яму сказала: «Мой сын нічога не парушаў! Вы самі ведаеце, хто парушыў і хто павінны знаходзіцца ў гэтай зале!»
Ён моўчкі з апушчанымі вачыма мяне выслухаў і кажа: «Трэба пацярпець. Да канца судовага працэсу. Мы будзем аператыўна, мы будзем імкнуцца як найхутчэй разабраць гэтую справу».
Паводле першай інфармацыі, недзе тыдні два будуць разглядаць», — мяркуе Таццяна Севярынец.
Цяпер чытаюць
Лукашэнка параіў узбекам шукаць вялікія грошы ў Расіі10
Лукашэнка параіў узбекам шукаць вялікія грошы ў Расіі
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм1818
Каментары