Ходзяць размовы, што галоўнага рэдактара папрасілі сысці пасля размяшчэння на старонках часопісу рэкламы грамадскай кампаніі «Будзьма».
Як стала вядома, Уладзімір Куліковіч з канца мая больш не з’яўляецца галоўным рэдактарам часопісу «Роднае слова».
Паводле яго слоў, з гэтай пасады, якую займаў два гады, ён сышоў па ўласным жаданні.
— Проста ў мяне ёсць іншыя планы на жыццё, — патлумачыў прычыну Куліковіч.
Разам з тым ў атачэнні рэдакцыі ходзяць размовы, што галоўнага рэдактара папрасілі сысці пасля размяшчэння на старонках часопісу рэкламы грамадскай кампаніі «Будзьма». Сам Уладзімір Куліковіч адмовіўся гэта каментаваць.
— Не ведаю, ці так гэта. Прыдумайце адказ самі! — параіў ён нам.
Замест Куліковіча рэдактарам «Роднага слова» прызначана былая галоўная інспектарка Міністэрства адукацыі Зоя Падліпская. Прычыны звальнення свайго папярэдніка яна таксама не называе.
— Кожнага новага рэдактара прызначае міністр, — адзначае Падліпская. — Больш за ўсё мне б не хацелася, каб нешта дрэннае фігуравала пра Уладзіміра Куліковіча. Мы ўсё жывём у адной краіне і робім адну справу.
Цікава, што гэта не першая змена галоўнага рэдактара часопісу, ахутаная таямніцай. У 2006 годзе з пасады сышоў Міхась Шавыркін. Афіцыйная фармулёўка гучала як «пагадненне бакоў». Але ж сам былы рэдактар сцвярджаў, што прапанова пакінуць пасаду звязана са «зместавым напаўненнем часопісу» — маўляў, тут друкуюцца аўтары, якія апошнім часам не ў пашане ў беларускіх уладаў. З 8 жніўня 2007 года загадам Мінадукацыі галоўным рэдактарам быў прызначаны Уладзімір Куліковіч.
Цяпер чытаюць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку10
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3232
Каментары