Улада

«Байпол» і былы прэс-сакратар «Байпола» пракаментавалі падзеі вакол арганізацыі

Пасля з’яўлення публікацыі на сайце «Нашай Нівы» пад загалоўкам «Што адбываецца з «Байполам»? Чаму аб’яднанне пакінуў яго заснавальнік?» нарэшце з'явіліся афіцыйныя каментары.

Андрэй Астаповіч, фота Reform.by.

На вялікі жаль, калі рыхтаваўся папярэдні артыкул, то каментары адмовіліся даваць як прадстаўнікі «Байпола» і НАУ, гэтак і асабіста Андрэй Астаповіч. Аднак пасля з’яўлення публікацыі «НН» яны былі вымушаныя рэагаваць.

«Байпол» назваў інфармацыю «недакладнай», хаця так і не ўдакладніў у чым менавіта. «НН» не называла падзеі ў «Байполе» расколам, толькі канстатавалі, што аб’яднанне былых сілавікоў пакінуў адзін з заснавальнікаў і твар кампаніі Андрэй Астаповіч.

«Удзельнікі BYPOL звязаны пісьмовымі дамоўнымі абавязаннямі пра неразгалошванне звестак, што выключае магчымасць якіх-небудзь каментароў адносна ўнутранай працы ініцыятывы», — гаворыцца ў заяве.

«Гэтымі ж дамоўнымі абавязаннямі сябрам ініцыятывы забаронена быць удзельнікамі якіх-небудзь праектаў, якія прама ці ўскосна дублююць дзейнасць BYPOL, у тым ліку ў выпадку выхаду з шэрагаў BYPOL», — незразумела, ці тут ужо ідзе гаворка пра Астаповіча альбо не.

Сваю заяву адносна апошняй сітуацыі зрабіў былы прэс-сакратар «Байпола» Яўген Мядзведзеў.

«Я ўзначаліў аддзел PR у снежні 2020 года. За паўтара месяца нам атрымалася пераўтварыць «Байпол» у пазнавальны брэнд, пра які гавораць у Беларусі і Расіі, які шальмуюць у дзяржаўнай прапагандзе, якога баяцца беларускія ўлады. Два тыдні таму, скончыўшы раскрутку «Байпол», я заняўся іншым кірункам: эканамічныя расследаванні. Цяпер мая каманда расследуе факты кантрабанды цыгарэт, вугля, нафты і зброі «кашалькамі Лукашэнкі».

Наколькі мне вядома, каманда «Байпол» працягвае працу расследаванняў у сферы праваахоўных органаў, Андрэй Астаповіч па-ранейшаму на сувязі з былымі калегамі. Аднак адным «Байполам» павестка па сілавіках не абмяжоўваецца: апроч іх, таксама працуе незалежная каманда па расследаванні ў эканамічнай сферы, па рэформе ОУС пры НАУ, «Беларускі народны трыбунал». У найбліжэйшы час усе ўказаныя адзначацца громкімі расследаваннямі».

Як бачым, Мядзведзеў таксама піша пра Андрэя Астаповіча і «былых калег». Таму інфармацыя пра далейшы няўдзел заснавальніка арганізацыі ў працы «Байпола» пацвярджаецца.

Каментары

Цяпер чытаюць

Беларуска расказвае, як з 15 гадоў жыве з шызафрэніяй13

Беларуска расказвае, як з 15 гадоў жыве з шызафрэніяй

Усе навіны →
Усе навіны

Таўро «Слава Расіі» на жываце ўкраінскага палоннага. Хто і навошта мог гэта зрабіць і ці можна яго вывесці?2

Учора вечарам і сёння раніцай у Беларусі назіраліся серабрыстыя аблокі1

На заробкі ў Польшчу цяпер толькі з ДНЖ? Разабраліся, хто можа працаўладкавацца там па новых правілах14

З-пад завалаў шматпавярховіка ў Кіеве ноччу дасталі яшчэ пяць целаў, колькасць загінулых дасягнула 21

У Беларусі пачынаюць прадаваць электракары за 20 900 рублёў. Але выглядаюць яны вельмі незвычайна2

Келаг плануе паездку ў Беларусь і сустрэчу з Лукашэнкам. Пры гэтым можа быць вызваленая група палітвязняў37

Вярхоўны лідар Ірана Хаменеі заклікаў да рашучых дзеянняў у дачыненні да Ізраіля

Пяць гадоў таму затрымалі Віктара і Эдуарда Бабарыкаў

Беларускі спецыяліст дапамог «Фларыдзе» другі год запар стаць уладальнікам Кубка Стэнлі2

больш чытаных навін
больш лайканых навін

Беларуска расказвае, як з 15 гадоў жыве з шызафрэніяй13

Беларуска расказвае, як з 15 гадоў жыве з шызафрэніяй

Галоўнае
Усе навіны →

Заўвага:

 

 

 

 

Закрыць Паведаміць