Магі і Сярдзючка
«Гары Потэр і Келіх Агню» («Harry Potter and the Goblet of Fire»).
ЗША—Вялікабрытанія, 2005, каляровы, 157 хв.
Жанр: фэнтэзі, казка паводле Дж.Роўлінг.
Адзнака: 7 (з 10).
Моцны бок стужкі Майка Ньюэла — дакладнасьць экранізацыі. Падводныя выпрабаваньні, чорны знак, цмокі, змрочныя фарбы. Варта адзначыць, што да герояў прыходзіць каханьне, таму на маленькіх дзетак кіно не разьлічанае.
❏
«Дзённы дазор» («Дневной дозор»).
Расея, 2005, каляровы, 142 хв.
Жанр: містычны баявік.
Адзнака: 5,5 (з 10).
Нехта забівае цёмных чараўнікоў. Алібі ня мае сьветлы маг Антон Гарадзецкі (К.Хабенскі)… У 2-й частцы «Дазору» шмат сэксу. Гарадзецкі (у целе каляжанкі Вольгі) прызнаецца ў каханьні да магіні Сьветы (глямурная лесьбійская сцэна прыкладаецца); ведзьма Аліса (Жанна Фрыске) пакутуе ад непадзеленага каханьня да вампіра Косьці... Сярод запрошаных VIP-пэрсонаў Арцём Троіцкі й Барыс Маісееў (пад сваімі імёнамі). Статусныя спэцэфэкты: астанкінская вежа падае, кола агляду коціцца па горадзе. Фільм спадабаецца аматарам Веркі Сярдзючкі. Пагоня на матацыклах ідзе пад песьню травэстыйнае прымадоны.
Па падазрэнні ў забойстве цяжарнай мінчанкі затрымалі хакейнага суддзю Аляксея Гаўрылёнка6
Каментары