Цела забітага на пратэстах Генадзя Шутава з Брэста аддалі родным. Што ў даведцы аб смерці?
Цела памерлага ад атрыманага падчас акцый пратэсту 11 жніўня агнястрэльнага ранення галавы берасцейца Генадзя Шутава пасля судмедэкспертызы аддалі родным. Пра гэта TUT.BY паведаміла дачка Генадзя Анастасія Баранчук. Зараз катафалк з труной Шутава накіроўваецца ў Жабінку, там яго заўтра пахаваюць. Катафалк суправаджаюць байкеры — Генадзь быў адным з іх.
У даведцы аб смерці Шутава сказана, што яе непасрэднай прычынай стаў траўматычны ацёк галаўнога мозгу. Гэта было ўстаноўлена судмедэкспертамі падчас выкрыцця. Асноўная прычына смерці — траўматычнае ўнутрымазгавое кровазліццё.
У дакуменце таксама паказваецца код знешняй прычыны па шыфры міжнароднай класіфікацыі хвароб (МКБ-10): Y22 - «пашкоджанне ў выніку стрэлу з ручной агнястрэльнай зброі з нявызначанымі намерамі». У гэты блок МКБ-10 уключаюцца выпадкі, калі даступнай інфармацыі недастаткова, каб эксперты маглі зрабіць выснову аб тым, ці з'яўляецца дадзены інцыдэнт няшчасным выпадкам, самапашкоджаннем або гвалтам з мэтай забойства або нанясення пашкоджанняў.
Ці варта купляць закінутую хату за адну базавую і колькі гэта каштуе насамрэч? Вось што расказваюць людзі4
Каментары