Макей: Беларусь зробіць усё для забеспячэння дэмакратычнага выбарчага працэсу
Міністр замежных спраў Беларусі Уладзімір Макей заявіў, што краіна зробіць усё магчымае для забеспячэння дэмакратычнага і транспарэнтнага выбарчага працэсу, паведамілі ў прэс-службе МЗС.
У сераду Макей правёў сустрэчу са старшынёй Выканаўчага камітэта — выканаўчым сакратаром СНД, кіраўніком місіі назіральнікаў ад СНД на выбарах Прэзідэнта Беларусі Сяргеем Лебедзевым.
«Абмеркавалі ход выбарчай кампаніі ў Рэспубліцы Беларусь і пытанні, звязаныя з ажыццяўленнем міжнароднага назірання за прэзідэнцкімі выбарамі. Беларускі бок пацвердзіў гатоўнасць аказваць місіі назіральнікаў ад СНД неабходнае садзейнічанне для выканання свайго мандата, а таксама заявіў, што зробіць усё магчымае для забеспячэння дэмакратычнага і транспарэнтнага выбарчага працэсу, які адлюстроўвае волю народа», — адзначылі ў прэс-службе.
Каментары