Грамадства2828

Супрацоўнікам міліцыі забаранілі ўезд і выезд з Віцебскай вобласці

Беларускім міліцыянерам забаранілі ўезд на тэрыторыю Віцебскай вобласці, а таксама выезд з яе. Як мінімум некалькі супрацоўнікаў міліцыі знаходзяцца на каранціне. Уведзены таксама істотныя абмежаванні на перасоўванне міліцыянераў па краіне. Такую інфармацыю апублікаваў тэлеграм-канал NEXTA. У МУС заяўляюць, што абмежаванні на службовыя камандзіроўкі ўвялі не толькі на Віцебшчыне, але і ў іншых рэгіёнах Беларусі, піша Tut.by.

Сапраўднасць дакумента, які размясціў тэлеграм-канал NEXTA, пацвярджаюць крыніцы TUT.BY у міліцыі — з розных рэгіёнаў і не звязаныя паміж сабой.

Яны сцвярджаюць, што ў пятніцу, 27 сакавіка, ім давялі распараджэнне міністра ўнутраных спраў Юрыя Караева, якое выключае наведванне Віцебскай вобласці, а таксама выезд з яе. Пры гэтым, па словах працаўнікоў міліцыі, гаворка ідзе толькі пра адзін рэгіён краіны — менавіта Віцебскі.

«Усіх супрацоўнікаў азнаёмілі з гэтым распараджэннем міністра, міліцэйскаму кіраўніцтву з Віцебскай вобласці забаранілі нават прыязджаць у Мінск на нарады», — паведаміў TUT.BY адзін з суразмоўцаў.

«Міліцыі забаранілі ўезд і выезд з Віцебскай вобласці. Калі каранціну з-за каранавіруса у краіне няма, то чаму такія меры? Віцебск становіцца беларускім Бергама?» — пытаецца адзін з чытачоў.

Афіцыйны прадстаўнік МУС Вольга Чамаданава пракаментавала TUT.BY:

— У цэлым па нашым ведамстве ўсе камандзіроўкі па абласцях рэкамендавалі выключыць. Выязджаць за межы свайго рэгіёну супрацоўнікі могуць у выпадку самай экстранай неабходнасці. І на сёння ніхто з нашых супрацоўнікаў у камандзіроўкі ў іншыя рэгіёны фактычна не выязджае. Гэта робіцца ў эпідэміялагічных мэтах: для пазбягання кантактаў, прафілактыкі, недапушчэння вірусных захворванняў.

Вольга Чамаданава запэўнівае, што гэта тычыцца дзейнасці супрацоўнікаў міліцыі па ўсёй Беларусі:

— Гэты прынцып у роўнай ступені выконваецца як у Віцебскай, так і ў Магілёўскай, Гродзенскай і ўсіх іншых абласцях.

Наконт таго, ці знаходзяцца зараз некаторыя супрацоўнікі міліцыі з Віцебскай вобласці на каранціне з-за каранавіруса, афіцыйны прадстаўнік МУС адзначыла:

— Так, у Віцебскім рэгіёне ёсць супрацоўнікі, якія могуць падазравацца ў захворванні. Яны знаходзяцца на абследаванні. Але гэта не гаворыць пра тое, што ў іх каранавірус і што з-за гэтага мы абмежавалі ўезд і выезд у вобласць. У першую чаргу гэта эпідэміялагічны складнік.

— Супрацоўнікі, якія знаходзяцца пад падазрэннем, здавалі тэсты на наяўнасць каранавіруснай інфекцыі?

— Вядома, яны выконваюць усе мерапрыемствы, якія прапануюць [медыкі]. Але цяпер няважна, хто гэтыя людзі — міліцыянеры ці прадстаўнікі іншай сацыяльнай службы. Самая галоўная мэта цяпер для ўсіх — выкананне прафілактычных мерапрыемстваў, якія рэкамендуе Міністэрства аховы здароўя.

Каментары28

«Ведаеце, як каментуе ваша затрыманне апазіцыя? «Арыштаваны памагаты рэжыму». Турэмная споведзь лідара прафсаюзаў Ярашука2

«Ведаеце, як каментуе ваша затрыманне апазіцыя? «Арыштаваны памагаты рэжыму». Турэмная споведзь лідара прафсаюзаў Ярашука

Усе навіны →
Усе навіны

На аўкцыёне карціну Шагала прадалі за 3 мільёны даляраў3

79‑гадовую пенсіянерку ў Столінскім раёне шукалі 4 дні і знайшлі жывой5

У Кітаі працягваюцца жорсткія чысткі ў арміі: паляцела галава другога чалавека ў войску3

«Я думаю, Пуцін хоча завяршыць вайну». Трамп сустрэўся ў Белым доме з Зяленскім23

Філосаф Мацкевіч прапануе стварыць варыянт беларускай рускай мовы, каб зблізіць яе з беларускай131

Польскі суд адмовіўся выдаваць Германіі абвінавачанага ў падрыве «Паўночнага патока»4

Аляксандр Азараў закрывае фонд Bypol4

У «Беларуснафце» расказалі, як вырашаюць праблему чэргаў на АЗС6

У мінскай Камароўкі з'явіўся канкурэнт. Якія цэны на гэтым «сакрэтным» рынку?5

больш чытаных навін
больш лайканых навін

«Ведаеце, як каментуе ваша затрыманне апазіцыя? «Арыштаваны памагаты рэжыму». Турэмная споведзь лідара прафсаюзаў Ярашука2

«Ведаеце, як каментуе ваша затрыманне апазіцыя? «Арыштаваны памагаты рэжыму». Турэмная споведзь лідара прафсаюзаў Ярашука

Галоўнае
Усе навіны →

Заўвага:

 

 

 

 

Закрыць Паведаміць