Ва Украіне затрымалі супрацоўнікаў Нацбанка па падазрэнні ў крадзяжы $48 мільёнаў
У панядзелак, 11 лістапада, дэтэктывы Нацыянальнага антыкарупцыйнага бюро Украіны (НАБУ) затрымалі семярых падазраваных па справе аб завалоданні больш як 1,2 млрд грн (каля $48 млн) стабілізацыйнага крэдыту, выдадзенага Нацбанкам Украіны VAB Банку ў 2014 годзе. У іх ліку былыя і дзейсныя чыноўнікі Нацыянальнага банка Украіны, піша unian.net.
«Гаворка ідзе пра былых і дзеючых службовых асоб Нацбанка, ПАТ «VAB Банк» і прыватных кампаній, звязаных з канчатковымі бенефіцыярамі VAB Банка», - заявілі ў НАБУ.
Чыноўнікам інкрымінуюць прысваенне, растрату маёмасцi або завалоданне ёй шляхам злоўжывання службовым становішчам.
У НАБУ не раскрылі імёны ці пасады затрыманых. Пасля стала вядома, што дэтэктывы затрымалі старшыню праўлення «Райфайзен Банка Аваль» Аляксандра Пісарука. Пісарук ў 2014-2015 гадах быў першым намеснікам кіраўніка Нацбанка Украіны Валерыі Гонтаравой. Ён адказваў за банкаўскі нагляд.
Каментары