Навукоўцы Універсітэта штата Каліфорнія высветлілі, што змяненне клімату спрыяла заняпаду Кахокіі — найбуйнейшага горада Паўночнай Амерыкі ў XI стагоддзі. Аб гэтым паведамляецца ў прэс-рэлізе на Phys.org.
Даследчыкі прааналізавалі закамянелыя адходы жыццядзейнасці людзей, якія засялялі Кахокію, сабраныя з донных адкладаў возера, якое размяшчалася побач з манументальнымі курганамі. Яны вызначылі колькасць станолаў, якія выпрацоўваліся ў кішачніку чалавека падчас стрававання і выводзіліся з экскрэментамі. Аказалася, што іх ўзроўні ў пластах, якія ўтварыліся за некалькі стагоддзяў, адпавядаюць зменам у колькасці насельніцтва, якія вызначаліся больш традыцыйнымі метадамі.
Каля 600 года нашай эры колькасць людзей на гэтым участку павысілася і дасягнула піка ў 1100 годзе, калі тут ужо стаяў горад плошчай 15 квадратных кіламетраў з насельніцтвам некалькі дзясяткаў тысяч жыхароў. Аднак пасля гэтага колькасць гараджан пачала скарачацца, і да 1400 года Кахокія аказалася занядбанай.
Навукоўцы таксама вымералі суадносіны ізатопаў кіслароду ў азёрных адкладах, па якіх можна вызначыць колькасць ападкаў. Аказалася, што магчымай прычынай заняпаду стала зніжэнне частаты дажджоў і пачашчэнне засух. Неспрыяльныя з'явы надвор'я адмоўна адбіліся на ўраджаі кукурузы, якую вырошчвалі індзейцы.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу5
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1818
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх18
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары