Navukoŭcy Univiersiteta štata Kalifornija vyśvietlili, što źmianieńnie klimatu spryjała zaniapadu Kachokii — najbujniejšaha horada Paŭnočnaj Amieryki ŭ XI stahodździ. Ab hetym paviedamlajecca ŭ pres-relizie na Phys.org.
Daśledčyki praanalizavali zakamianiełyja adchody žyćciadziejnaści ludziej, jakija zasialali Kachokiju, sabranyja z donnych adkładaŭ voziera, jakoje raźmiaščałasia pobač z manumientalnymi kurhanami. Jany vyznačyli kolkaść stanołaŭ, jakija vypracoŭvalisia ŭ kišačniku čałavieka padčas stravavańnia i vyvodzilisia z ekskremientami. Akazałasia, što ich ŭzroŭni ŭ płastach, jakija ŭtvarylisia za niekalki stahodździaŭ, adpaviadajuć źmienam u kolkaści nasielnictva, jakija vyznačalisia bolš tradycyjnymi mietadami.
Kala 600 hoda našaj ery kolkaść ludziej na hetym učastku pavysiłasia i dasiahnuła pika ŭ 1100 hodzie, kali tut užo stajaŭ horad płoščaj 15 kvadratnych kiłamietraŭ z nasielnictvam niekalki dziasiatkaŭ tysiač žycharoŭ. Adnak paśla hetaha kolkaść haradžan pačała skaračacca, i da 1400 hoda Kachokija akazałasia zaniadbanaj.
Navukoŭcy taksama vymierali suadnosiny izatopaŭ kisłarodu ŭ aziornych adkładach, pa jakich možna vyznačyć kolkaść apadkaŭ. Akazałasia, što mahčymaj pryčynaj zaniapadu stała źnižeńnie častaty daždžoŭ i pačaščeńnie zasuch. Niespryjalnyja źjavy nadvorja admoŭna adbilisia na ŭradžai kukuruzy, jakuju vyroščvali indziejcy.
Kamientary