Віцэ-прэм'ер: У 2021 годзе шматдзетныя сем'і будуць атрымліваць жыллё ўжо праз год у чарзе
Цягам наступных трох гадоў аб'ёмы будаўніцтва жылля будуць «істотна павялічаныя». Пра гэта распавёў віцэ-прэм'ер Уладзімір Кухараў, выступаючы ў парламенце, піша Tut.by.
Па словах віцэ-прэм'ера, урад сёння надае асаблівую ўвагу будаўніцтву жылля для шматдзетных сем'яў. Пры гэтым ёсць «сур'ёзнае адставанне ад даручэння кіраўніка дзяржавы, які тычыць неабходнасці прадастаўлення на працягу года жылля».
Па дадзеных Кухарава, з пачатку года на чарзе на паляпшэнне жыллёвых умоў стаяла 34 800 шматдзетных сем'яў. З іх 6 тысяч стаяць у чарзе больш за тры гады, у амаль 3 тысяч — чацвёра і больш дзяцей.
Віцэ-прэм'ер запэўніў, што прынятыя меры дазволяць у гэтым годзе забяспечыць ўласнымі кватэрамі больш 7 тысяч шматдзетных сем'яў, што ў 2,5 разу больш, чым у мінулым годзе.
— На працягу найбліжэйшых трох гадоў аб'ёмы будаўніцтва жылля будуць істотна павялічаны і складуць не менш за 10 тысяч кватэр у год. Пры такіх тэмпах мы зможам ў 2021 годзе прапанаваць удзел у будаўніцтве шматдзетных сем'ям, якія маюць патрэбу ў паляпшэнні жыллёвых умоў не больш за адзін год.
Каментары