Сяміразовы чэмпіён «Формулы-1» Міхаэль Шумахер у апошнія дні адчуў сябе горш і зноў запаў у кому. На працягу 24 гадзін ён падключаны да апарата штучнага дыхання і моцна схуднеў, перадаюць інфармацыйныя агенцтвы.
Сям'я Шумахера практычна агарадзіла Міхаэля ад увагі прэсы, аднак паводле некаторай інфармацыі яму стала горш. Паводле паведамленняў членаў сям'і, «ён з апошніх сіл змагаецца за жыццё». Шумахер стаў меншы ростам (160 см супраць 174 да траўмы) і схуднеў амаль на 20 кг. Ля яго ложка кругласутачна дзяжураць лекары.
У цяперашні час 48-гадовы гоншчык знаходзіцца ў Швейцарыі. Сюды яго сям'я пераехала ў 2014 годзе, спадзеючыся на хуткае аднаўленне аўтагоншчыка. У апошні час яны загаварылі аб пераездзе ў ЗША, дзе даласкі лекар Марк Уікс абяцае зрабіць усё магчымае для спартсмена.
Нагадаем, Міхаэль Шумахер атрымаў сур'ёзную траўму галавы 29 снежня 2013 года ў французскіх Альпах. Ён выехаў за межы трасы і каля 20 метраў імчаўся па непадрыхтаваным схіле. Спатыкнуўшыся аб камень, ён упаў і стукнуўся галавой аб скалу. Пасля шпіталізацыі яго ўвялі ў штучную кому.
9 верасня 2014 года Шумахера вярнулі дадому, і ён доўгі час знаходзіўся ў вельмі цяжкім стане.
***
На тэлеграм-канал «Нашай Нівы» можна падпісацца тут.
Цяпер чытаюць
Былога вайскоўца з Брэста, які вярнуўся з Польшчы, абвінавацілі ў «тэрарызме» і адправілі ў калонію1
Каментары