Віталь Гуркоў сфатаграфаваўся з поп-каралём і здзівіўся выніку
На прэм'еры фільма Андрэя Курэйчыка «Парты-зан» слынны баксёр Віталь Гуркоў зрабіў супольнае фота з мастадонтам беларускай эстрады Аляксандрам Саладухам.
«Калі гэты допіс за суткі набярэ дзесяць тысяч лайкаў, то Саладуха выступіць на разагрэве ў BRUTTO», — напісаў Віталь пад фота, трымаючы на ўвазе маючы адбыцца канцэрт у Мінск-Арэне.
Дзесяць тысяч лайкаў, праўда, не набралося — толькі трохі больш за 2 тысячы ў фэйсбуку і 2500 у інстаграме.
У выніку Гуркоў выдаліў допіс, падсумаваўшы вынікі такой акцыі.
«Мой сацыяльны эксперымент з поспехам скончыўся, — напісаў баксёр. — Фотаздымак спрацаваў як лакмусавая папера нашага грамадства: фота з Аляксандрам Саладухам пероўзышло ўсе рэкорды маіх сацсетак. Ажыятаж і цікавасць да персоны «легенды беларускай эстрады» нязгаслая з 1995 года!! На другім месцы [па папулярнасці ў сацсетках Гуркова] фота, дзе я ў рынгу трымаю наш гістарычны сцяг — таксама ў раёне 2 тысячаў, але менш. Людзям не цікавыя спартовыя дасягненні і навуковыя адкрыцці, творчая высокамастацкая рэалізацыя. Куды цікавейшае шоу і чаканне неймавернага, абмяркоўванне абсурдных недарэчных пытанняў».
Як удакладніла «Наша Ніва», сам допіс быў проста «прыколам».
«Ды не, Саладуха б не выступіў на разагрэве, як гэта можна ўявіць сабе? Мы ў розных фарматах. Але тое, што фота з ім набрала больш лайкаў — гэта дзіва. Мне здавалася, што фота з нашым сцягам мацнейшае», — сказаў Гуркоў.
Пры гэтым ён падкрэсліў, што ставіцца да Аляксандра з павагай, а ўсе тыя каментары, дзе яго называлі «прыпявалам Лукі» — недарэчныя.
Хто з палітвязняў выйшаў на свабоду 16 верасня ПОЎНЫ СПІС23
Каментары