Мікола Статкевіч анансаваў чарговую вулічную акцыю пратэсту. Яна пройдзе ў Менску 24 лістапада. Нагодай для яе правядзеньня, як сказаў палітык, стане «20-я гадавіна ўсталяваньня дыктатуры ў краіне».
«24 лістапада 1996 года ў краіне адбыўся рэфэрэндум, па выніках якога была скасаваная заканадаўчая ўлада, а Лукашэнка самаўпраўна дадаў сабе 2,5 гады да тэрміна», — гаворыць Мікола Статкевіч.
Акцыя, па задуме Рады Беларускага Нацыянальнага Кангрэсу, у склад якой уваходзіць і Статкевіч, распачне кампанію «За новыя выбары, за новую ўладу!»
Раней Рада БНК прыняла заяву, у якой заклікала дэмакратычныя, палітычныя і грамадзкія сілы далучыцца да гэтай кампаніі.
«Толькі свабодныя, справядлівыя выбары могуць стаць шляхам да выйсьця з крызысу, да паляпшэньня жыцьця беларусаў», — заяўляюць арганізатары акцыі.
Цяпер чытаюць
Палякі купляюць дамы ў Беларусі — цікавяцца, ці хопіць на жыццё еўрапейскай пенсіі, і радуюцца смешным выдаткам22
Каментары