Белгідрамет: у чэрвені будзе цяплей, чым звычайна — прагноз надвор'я на месяц
Сярэдняя месячная тэмпература паветра ў чэрвені чакаецца на 1°C вышэй за кліматычную норму +15 — +17°С. Аднак у такім надвор'і ёсць і свае мінусы — месячная колькасць ападкаў мяркуецца менш за кліматычную норму. Пра гэта распавёў службы гідраметэаралагічных прагнозаў Рэспубліканскага гідраметцэнтра Дзмітрый Рабаў.
У чэрвені тэмпература паветра працягне павышацца — да канца месяца будзе рабіцца ўсё цяплей. У сярэднім па Беларусі тэмпература першай дэкады складае + 15,5°С, прычым на паўночным захадзе ля мяжы з Літвой халадней за ўсё — тут сярэдняя дэкадная тэмпература + 14,5°С. За дэкаду выпадае ў сярэднім па краіне 24 мм ападкаў або 30% месячнай колькасці.
З 1 па 10 чэрвеня ў асобныя дні прагназуюцца кароткачасовыя дажджы, месцамі навальніцы. Пераважная тэмпература паветра ноччу +7 + 14°С, у пачатку дэкады па паўднёвым захадзе +15 + 18°С, у другой палове дэкады месцамі па паўночным усходзе не вышэй за +3 + 6°С. У дзённыя гадзіны ў першай палове дэкады ў асноўным +19 + 27°С, у другой палове дэкады +15 + 22°С.
З 11 па 20 чэрвеня чакаецца няўстойлівае надвор'е. Часам дажджы, месцамі навальніцы. Пераважная тэмпература паветра ўначы чакаецца ў межах +8 + 15°С. Дзённая тэмпература пераважна +18 + 25°С, часам у дажджах не вышэй за +15 + 17°С, у асобныя дні месцамі, у асноўным па поўдні, +26 + 28°С.
З 21 па 30 чэрвеня ў асобныя дні пройдуць кароткачасовыя дажджы, навальніцы. У начныя гадзіны тэмпература паветра +10 + 17°С, месцамі +18 + 20°С. Максімальная тэмпература паветра днём у асноўным +20 + 27°С, на працягу 1-3 дзён пераважна па поўдні +28 + 31°С.
Цяпер чытаюць
Гісторыя 12‑гадовай Веры ў мінскай інфекцыйнай бальніцы настолькі ўразіла беларусаў, што цяпер чарга з ахвотных дапамагчы5
Каментары