Biełhidramiet: u červieni budzie ciaplej, čym zvyčajna — prahnoz nadvorja na miesiac
Siaredniaja miesiačnaja tempieratura pavietra ŭ červieni čakajecca na 1°C vyšej za klimatyčnuju normu +15 — +17°S. Adnak u takim nadvorji jość i svaje minusy — miesiačnaja kolkaść apadkaŭ miarkujecca mienš za klimatyčnuju normu. Pra heta raspavioŭ słužby hidramietearałahičnych prahnozaŭ Respublikanskaha hidramietcentra Dźmitryj Rabaŭ.
U červieni tempieratura pavietra praciahnie pavyšacca — da kanca miesiaca budzie rabicca ŭsio ciaplej. U siarednim pa Biełarusi tempieratura pieršaj dekady składaje + 15,5°S, pryčym na paŭnočnym zachadzie la miažy ź Litvoj chaładniej za ŭsio — tut siaredniaja dekadnaja tempieratura + 14,5°S. Za dekadu vypadaje ŭ siarednim pa krainie 24 mm apadkaŭ abo 30% miesiačnaj kolkaści.
Z 1 pa 10 červienia ŭ asobnyja dni prahnazujucca karotkačasovyja daždžy, miescami navalnicy. Pieravažnaja tempieratura pavietra nočču +7 + 14°S, u pačatku dekady pa paŭdniovym zachadzie +15 + 18°S, u druhoj pałovie dekady miescami pa paŭnočnym uschodzie nie vyšej za +3 + 6°S. U dzionnyja hadziny ŭ pieršaj pałovie dekady ŭ asnoŭnym +19 + 27°S, u druhoj pałovie dekady +15 + 22°S.
Z 11 pa 20 červienia čakajecca niaŭstojlivaje nadvorje. Časam daždžy, miescami navalnicy. Pieravažnaja tempieratura pavietra ŭnačy čakajecca ŭ miežach +8 + 15°S. Dzionnaja tempieratura pieravažna +18 + 25°S, časam u daždžach nie vyšej za +15 + 17°S, u asobnyja dni miescami, u asnoŭnym pa poŭdni, +26 + 28°S.
Z 21 pa 30 červienia ŭ asobnyja dni projduć karotkačasovyja daždžy, navalnicy. U načnyja hadziny tempieratura pavietra +10 + 17°S, miescami +18 + 20°S. Maksimalnaja tempieratura pavietra dniom u asnoŭnym +20 + 27°S, na praciahu 1-3 dzion pieravažna pa poŭdni +28 + 31°S.
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary