Першымі навінку ацэняць навучэнцы школ Маскоўскага раёна.
Карысны напой айчыннай вытворчасці дзеці змогуць пакаштаваць ужо ў трэцяй дэкадзе снежня. Пра гэта агенцтву «Мінск-Навіны» паведаміў дырэктар Камбіната школьнага харчавання Маскоўскага раёна Аляксандр Сухінін.
Прычым рыхтаваць малочны напой з сухой сумесі будуць не толькі кухары ў школьных сталовых, але і кававыя аўтаматы. Першы такі агрэгат плануецца паставіць у школе №161.
Менавіта тут сёння прайшоў семінар па здаровым харчаванні для школьнікаў з дэгустацыяй напояў, спецыяльна распрацаваных па рэкамендацыі Міністэрства аховы здароўя Рэспублікі Беларусь.
Як распавёў генеральны дырэктар ТАА «Проксімавест» Ігар Зялёны, напоі вырабляюцца на аснове натуральнай сыравіны беларускай вытворчасці без выкарыстання штучных фарбавальнікаў і араматызатараў.
Яны абагачаныя вітамінамі і такімі мікраэлементамі, як ёд і селен. У асартыменце прадстаўлены чатыры напоі: бананавы, клубнічны, вішнёвы і шакаладны.
Удзельнікам семінара — кіраўнікам школ, Камбіната школьнага харчавання, прадстаўнікам адміністрацыі раёна, Галоўнага ўпраўлення спажывецкага рынку Мінгарвыканкама, санітарнай службы — навінка прыйшлася да спадобы.
— Мы ўжо заключылі дамову на пастаўку аздараўленчага напою ў школы Маскоўскага раёна, — удакладніў А. Сухінін. — Напой не толькі смачны, але і карысны. Бо ў рацыёне беларусаў не хапае кальцыя, ёду і селену. І цэнавы фактар нас цалкам задавальняе.
Плануецца, што ў далейшым да праекту далучацца і школы іншых раёнаў Мінска.
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы79
Каментары