Які шанс маладому настаўніку застацца на размеркаванне ў сталіцы?
У школах высокі попыт на настаўнікаў фізікі і матэматыкі, педагогаў пачатковай адукацыі.
У Беларускім дзяржаўным педагагічным універсітэце ім. М. Танка пачалося размеркаванне будучых настаўнікаў.
«Плануем накіраваць на першыя працоўныя месцы каля 760 выпускнікоў, з іх 50% — у сталіцу, 40% — у Мінскую вобласць, і 10% — у іншыя рэгіёны краіны»,
— расказаў агенцтву «Мінск-Навіны» прарэктар БДПУ Аляксандр Францкевіч.
На кожнага студэнта прыпадаюць дзве-тры заяўкі ад працадаўцаў. Ёсць і вельмі запатрабаваныя спецыяльнасці. Напрыклад, высокі попыт на настаўнікаў фізікі і матэматыкі, педагогаў пачатковай і дашкольнай адукацыі.
Многія выпускнікі спыняюць выбар на новых школах і дзіцячых садках.
З чацверакурснікаў Інстытута інклюзіўнай адукацыі БДПУ (іх крыху больш за 100 чалавек) 80% застануцца ў Мінску.
«Сёлета выпускаем па чатырох спецыяльнасцях: «Алігафрэнапедагогіка», «Сурдапедагогіка», «Тыфлапедагогіка», «Лагапедыя». Колькасць вакансій перавышае колькасць выпускнікоў. Патрэба ў сталіцы велізарная. У рэгіёны змаглі адправіць толькі мэтавікоў», — распавяла дырэктарка Інстытута Вера Хітрук.
Цяпер чытаюць
Дзядок расказаў, як паводзіў бы сябе ў сённяшняй Беларусі і што будзе далей4
Каментары