«Цяпер баюся ездзіць там з грашыма». Пад Мінскам вядзецца незвычайны гандаль
На выездзе з Мінска ў бок Брэста кіроўцаў сустракаюць мядзведзі, зайцы, совы і казулі. Праўда, не сапраўдныя, а драўляныя. Цэлы прычэп фігур з дубу і асіны заўважыла чытачка выдання «Смартпрэс».
Паводле слоў Алены, раней яна кожны раз праязджала міма, набіраючы хуткасць перад трасай. Але напярэдадні ўсё ж вырашыла спыніцца каля «зайчыкаў у трамвайчыку».
«І адразу захацелася купіць усіх», — прызналася яна.
У прычэпе размясціліся сур'ёзныя совы, тоўсценькія медзведзяняты і даўгавухія зайцы. Асабліва здзівілі цэны: невялікая сава каштавала 20 рублёў, медзведзяня — 50, а самы вялікі мядзведзь — 90 рублёў.
«Для такіх твораў мастацтва цэны проста да непрыстойнасці нізкія», — лічыць мінчанка.
Каля дзесяці хвілін пакупніца разглядала драўляных звяроў і спрабавала выбраць кагосьці аднаго. У выніку не атрымалася: дадому разам з Аленай адправіліся медзведзяня і сава.
«Аддала апошнія грошы з карты. Цяпер я баюся ездзіць каля гэтага месца з грашыма: раптам забяру цэлы прычэп», — пажартавала жанчына.
Каментары
[Зрэдагавана]